Saturday, December 21, 2013

"Grand Gala" ne kushte zyre...:P


Ne dilemen e madhe nese duhet ta realizoja, apo jo, kete post me fotot e shkreputa me celular dhe me cilesi jo shume te mira, vendosa qe po "let's do it" :P Ne fund te fundit ashtu sic e kam nisur kete blog, si nje ditar te jetes time te perditshme, pa shume "lajle lule" e pa shume "lukse", duke pozuar edhe ne mes te plehrave e ne vende jo shume te bukura per syrin, sepse ky eshte realiteti i vendit ku une jetoj, por me deshiren e mire per te mbledhur ne kete "shtepi" time online te gjithe ata miq qe kane qejf te jene pjese e saj, por dhe ata "armiq" qe e kane pare kete blog si nje vend per katharsis, per t'u shfryre e per te pastruar shpirtin :P, vendosa qe postin ta realizoj edhe pse me foto jo shume cilesore.
Diten e enjte ne mbremje Top Channel organizonte ate qe tashme eshte kthyer ne nje tradite, "Galane" e pervitshme e cila eshte e ndertuar shume bukur ne formen e nje spektakli artistik e argetues me shume te ftuar, por mbi te gjitha me nje mision shume human, si nje mbremje bamiresie ne ndihme te familjeve te ngujuara nga gjakmarrja. Nje mbremje shume e bukur, te cilen ju do te keni mundesi ta ndiqni ne daten 1 Janar ne mbremje, date kur do te transmetohet nga erkani i Top Channel. 
Qe ne momentin kur mua dhe Fatmes na erdhi ftesa per te qene pjese e Galase, na kapi paniku i madh: "Mbremje Gala? Obobo cfare do te veshim!" Te them te drejten nuk eshte se ne garderoben time gjen fustane per mbremje Gala, keshtu qe mendimi i pare ishte te dilnim e te blinim dicka. Por edhe kjo pjese nuk ishte aq e lehte sepse koha e kufizuar, vetem dy dite dhe mbi te gjitha vendet e kufizuara ku mund te gjesh veshje te tilla na e benin edhe me te veshtire zgjedhjen. Per fatin tim te mire, mikes time te mencur shume Fatmes :P i erdhi nje ide "gjeniale": "Ami Events" vendi ideal ku mund te gjenim ate qe kerkonim. Dhe ashtu ndodhi. Stresi nga frika se mos nuk gjenim fustanet e duhura, u shnderrua ne nje tjeter stres, ai i pamundesise per te zgjedhur mes shume fustaneve qe kishte tek "Ami Events". Gjithsesi ne fund, pas shume fustanesh qe u pane, te gjate, te mesem e te shkurter, me ngjyra, te bardhe e te zinj, me xixa e temina dhe fare te thjeshte, zgjedhja ime ishte fustani qe shikoni ne fotot me poshte. Ne fakt ai ishte fustani i pare qe me mbeten syte dhe qe kapa me dore qe ne fillim dhe, edhe pse me pas pashe shume te tjere ne fund ju riktheva "dashurise se pare". Dhe mendoj se bera mire sepse fustani, se bashku me modelin e flokeve qe Jetmira Dushi e ka gjithmone ne sintoni me veshjen dhe vendin ku jam e ftuar, me ben te ndihem mjaft mire dhe komode ne kete mbremje Gala, te cilen u perpoqa ta respektoja sic duhej. Ne fund, pavarsisht faktit qe deri ne oren 8 isha ne pune duke mbyllur gazeten dhe u detyrova qe te lyhesha e te vishesha ne zyre pa pasur mundesi te kthehesha ne shtepi, pavarsisht faktit qe nje pjese te madhe te dites e kisha kaluar ne prova per kercimin e radhes dhe me xhirime per Dancing, e mbi te gjitha pavarsisht faktit qe isha me grip, mbremja kaloi bukur :)
Ju kerkoj edhe nje here ndjese per fotot por jane realizuar ne kushte zyre dhe banjoje :( hahahahahahaha :P

Monday, December 16, 2013

Dancing with the stars, nata e 6 - Vals


Ne pritje te nje tjeter mbremje, te shtates ne rradhe, te "Dancing with the stars" une po ju sjell nje post ne lidhje me mbremjen e se henes se shkuar.Nuk ka gje me te bukur se sa cdo jave qe kalon te ndjesh ngritje qofte ne kercim, e qofte ne piket e jurise. Valsi i javes se kaluar ishte nje disipline qe une mendoj se me shkon, e kisha me shume qejf dhe besoj kjo u reflektua edhe ne kercim. "Sikleti" i madh i javes se shkuar ishte kercimi i dyte, Burlesque i famshem qe secila nga vajzat duhet te interpretonte per rreth nje minute. Duke mos qene e mesuar te dale ne skene me "brecka" :P e kisha pak me stres, por ne fund them se gjithcka vajti mire, te pakten per mua dhe per nje pjese te madhe te atyre qe me kane ndjekur, sepse kryetarit te jurise vazhdon te mos t'i pelqeje asgje qe bej une dhe me jep gjashte edhe ne nje "shfaqe" si Burlesque :D Gjithsesi une dua thjesht te shijoj ne maksimum kete eksperience dhe po perpiqem te mos ta vras mendjen per te tjerat...
Cdo jave qe kalon per te gjithe ne behet edhe me e rendesishme qendrimi ne gare. Edhe pse ka momente stresi dhe lodhje, momente kur mendoj qe eshte me mire po ta le fare se nuk duroj dot me, te gjitha keto jane momentale dhe deshira per te vazhduar sa me gjate dhe per te shijuar sa me shume kete eksperience te jashtezakonshme eshte e madhe. Prandaj nese ndokush nga ju deshiron te me shikoje sa me gjate ne gare e dini se cfare duhet te beni. E nese nuk e dini ja u them une :P Votoni ne 51115 nga Shqiperia dhe 55666 nga Kosova mesazhinme tekst: Vip 10
Mesazhet tuaja jane shume te rendesishme dhe nje faktor vendimtar per qendrimin tim edhe per ca kohe ne kete gare. Nderkohe pres me padurim te lexoj komentet tuaja ne lidhje me kercimin e javes se shkuar. Si ju duk valsi? Po burlesque? Nese nuk i keni pare akoma i keni ne fund te postit te dy link-et. 
Faleminderit qe me ndiqni!






Thursday, December 12, 2013

Komplekse te kota...



E kam thënë ndonjëherë që e dua shumë muajin dhjetor? Me siguri po! Madje jam e bindur që çdo fillim dhjetori këtë gjë kam thënë. Dhe me shumë gjasa kam shtuar edhe që dhjetorin e dua jo vetëm për festat e fundvitit, por edhe për faktin që është muaji im i lindjes. Madje ditën që ju do keni këtë numër të gazetës në duar unë do të jem duke festuar ditëlindjen time të 29-të. Apo nuk duhej ta thosha këtë? Për moshën e kam fjalën, sepse tashmë është shndërruar gati në një rregull të pashkruar, por të "ligjëruar", që mosha e femrave nuk thuhet. Në radhë të parë, askush nuk duhet të guxojë t'i bëjë pyetje për moshën një femre! E nëse ka ndonjë të "pacipë" që guxon të thyejë rregullin dhe të pyesë për moshën pa i ardhur fare turp që po vë një femër në siklet, dy janë alternativat për t'u përgjigjur: Ose evitoje me stil dhe mos u përgjigj fare, ose gënje! Kuptohet që ato që i kanë shpikur këto alternativa janë vetë femrat, të cilat kurrë nuk i kam kuptuar përse e kanë kaq problem të thonë moshën! Dhe pastaj mërziten përse nuk trajtohen si të barabarta me meshkujt, kur janë ato të parat qe e kanë në majë të gjuhës përgjigjen: Nuk pyetet femra për moshën! A thua se mosha është turp! Komplekse të kota, me të cilat vetë femrat ngarkojnë veten!
Por nuk është mosha i vetmi kompleks që ne femrat kemi, ka dhe shumë të tjera dhe ajo që kam kuptuar nga disa analiza të gjata të bëra me veten është që këto komplekse ia krijojmë vetë vetes. A nuk është pesha një ndër shqetësimet më të mëdha të çdo vajze dhe gruaje, shqetësim i cili shndërrohet deri në kompleks? Jam shumë e shëndoshë, kam shalë të trasha, kam vithe të mëdha, kam shumë celulit..., janë këto mendimet sa herë dalim para pasqyrës dhe që më pas materializohen në fjalë e ankesa kur jemi përballë partnerit. Ndërkohë që në çdo studim e sondazh që është bërë në mbarë botën, përfundimet e arritura kanë qenë gjithmonë të njëjtat: meshkujt nuk i vënë re thuajse fare parregullsitë në trupin e partnereve të tyre; ajo që për një femër është e shndoshë, për një mashkull është seksi, ndërkohë që celulitin, që femrat i çon thuajse në depresion, meshkujt as nuk e vënë re. Pas moshës e peshës një tjetër kompleks që femrat kanë është edhe numri i partnerëve që kanë pasur. Një tabu që është ende e fortë, sidomos në vendin tonë, gënjeshtra “Ti je i dyti" vazhdon të mbizotërojë mes femrave. Vështirë për t'u kuptuar nëse kur thonë i dyti flasin me të vjetra apo me të reja, duke nënkuptuar në të vërtetë 20, rëndësi ka që mashkulli "ta hajë" që është i dyti dhe vajza të jetë e qetë me ndërgjegjen e saj. E nëse merret vesh që në të vërtetë ka pasur më shumë se dy partnerë, aty pastaj është fundi i botës, është vetë femra që ndihet rrugaçe, e përdalë, putanë, paçka se partneri mund të mos i thotë asgjë. Sa e sa mesazhe të tilla na kanë mbërritur në redaksi gjatë gjithë këtyre viteve: “Zonja Suzi, unë nuk kisha gjakderdhje, I dashuri më besoi që kam qenë e virgjër, por unë ndihem keq me veten.” Vajza të kompleksuara nga frika se mos ndershmëria e tyre vihet në dyshim nga dy milimetra cipë.
Por lista e komplekseve që ne femrat kemi është e gjatë. Ajo vijon me kompleksin e veshjeve firmato. Oh po, ky kompleks që dita-ditës po shndërrohet në një fiksim patologjik për t’u veshur vetëm me firmato dhe për t’ia bërë publike gjithë botës këtë, sepse ndryshe ç’kuptim ka veshja, po i detyron një pjesë të mirë të grave dhe vajzave të ndihen të kompleksuara nga “rrobat e lira” që kanë në trup, aq sa kanë për borxh të shesin veten lirë, vetëm për t’u veshur shtrenjtë!
Doni më komplekse nga të cilat ne femrat jemi të rrethuara çdo ditë, duke na u bërë pjesë e jetës, aq sa as nuk i vëmë më re? Ka edhe shumë të tjera, por hapësira në këtë cep të gazetës nuk më lejon të zgjatem më shumë. Ajo që unë do t’ju sugjeroja është të ndalojmë së jetuari për të tjerët dhe të shijojmë jetën tonë, duke i lënë komplekset jashtë saj. Bëni gjërat që doni, që ju japin kënaqësi dhe ju bëjnë të ndiheni të bukur ju vetë dhe jo ato gjëra që ju mendoni se do t’ju bëjnë interesant, apo të bukur në sy të të tjerëve. Mos e harroni kurrë: vetja është e para!
Dhjetor të mbarë të gjithëve! Shijoni këtë periudhë festive në maksimum!   




Saturday, December 7, 2013

Muaji Nentor ne Instagram

Aaa sa muaji i bukur qe ka qene Nentori, i lodhshem (apo nuk duhet ta them qe ka qene i lodhshem se mos bezdiset ndonjera prej jush :D :P) por shume i bukur! I mbushur me emocione, kryesisht pozitive dhe tek tuk ndonje negative Nentori me ka dhuruar shume momente te bukura, kryesisht te lidhura me sferen profesionale, por padyshim edhe ate personale. Sic do ta shikoni edhe nga fotot, "Dancing with the stars" ka mbizoteruar jo vetem ditet e mia, por edhe Instagramin tim ne muajin qe lame pas. Per me shume keni nje permbledhje me foto te muajit qe lame pas. 
Ju falenderoj nga zemra qe me ndiqni dhe qe pavarsisht pelqimit, apo mos pelqimit tuaj e mbani kete blog shume aktiv :)

Kercimi i preferuar i muajit Nentor...uroj qe eksperienca ne "Dancing with the stars" te zgjase sa me shume ne menyre qe listes se kercimeve ti shtohen edhe sa me shume te tjere :)


Ka disa personazhe te cilet kur i sheh nga afer te "carmatosin" fare dhe te bejne te ndryshosh komplet mendim. Nje nder to ishte edhe Gjyste Vulaj, pervecse nje super femer me shalen dy metra, edhe nje personazh shume i kendshem dhe me humor :)

Nata e dyte ne "Dancing", nate qe dhe sot kur e kujtoj kam emocione...ama nga ajo nate dhe ai kercim kam disa foto te bukura dhe kjo eshte njera nder to :)


Mire qe kemi "burrat" shok se te ishte per ne te dyja, s'do dilnim kurre per dreke bashke :D :P :P

Mbas nje dite te lodhshme, ky eshte momenti me i bukur i dites...shplodhja ne krahet e dashurise time! :)
"Lloqet" e konkurenteve para spektaklit :D

Dilema me e madhe e imja vazhdon te mbetet kjo: per cfare te duan ne Facebook dhe Instagram, kur nuk te durojne dot?!

Me pelqen qe here pas here, sidomos ne ato ditet e zymta me shi, ti rikthehem fotove te vjetra ne plazh. Ketu kemi qene ne Budva, para tre vitesh, kur ishim ende te rinj dhe seksi...hahaha :P

Pjese e nismes "Te pastrojme Shqiperine ne nje dite" u bera edhe une. Shume shpejt do te vije edhe nje post (pak i vonuar) ne blog



Ky ka qene refreni i muajit Nentor: Votoni ne 51115 per Shqiperine dhe 55666 per Kosoven: Vip 10

Ne pritje te nisjes se spektaklit diten e hene, disa lyhen e disa bejne foto. Pjese shume e bukur pervec tre oreve te spektaklit, jane edhe momentet ne backstage :)

Intervista e muajit nentor per revisten "OK"...dhe qe t'ju bjeri shpirti ne paqe, jo,une nuk jam fashionista! As nuk e kam kerkuar, e as nuk ma ka dhene njeri kete titull. Eshte thjesht emri i rubrikes ne revisten "OK". Uroj qe jetet tuaja te behen me te bukura tani mbasi moret vesh kete informacion :D :P

Nuk di cilen nga keto kater gjerat e shijshme te ha me perpara...keto tre pjatat, apo kete seksin perball :D :P

Aty te beautiful kam disa dyshime edhe vete...:D pastaj gjithe te tjerat jane proudly checked...;)

E shtuna eshte bere per mikeshat e zemres, te cilat edhe pse nuk i takoj me aq shpesh sa me pare, me dhurojne gjithe lumturine e botes sa here jam me to :)

Kopertina e preferuar e muajit Nentor...sepse me nje bukuroshe si Viola Spiro nuk kishte si te ndodhte ndryshe :)
 
Vallja e Rrajces, nje kercim qe me dha shkelqim :D 

Nga rubrika "who wore it better"? :D #sexy red head #sweet red head

Kenga e muajit...kenga qe e dashurova qe kur e degjova per here te pare dhe qe pati ndikim absolut qe tango te cilen kerceva naten e trete, te pelqehej dhe vleresohej shume :)

Kater jave ne "Dancing with the stars", kater disiplina te ndryshme kercimi: paso doble, cha cha cha, tango dhe vallja e Rrajces. Cila ishte e preferuara juaj?