Friday, December 28, 2012

Një vit i mbushur me mirësi!



Të realizoj shkrimin e fundit të vitit, pra editorialin e fundit, është për mua një nga gjërat më të vështira. Njësoj siç ndodh me përgatitjet që në ditët e para të muajit dhjetor, pema, mendimi për dhuratat që do t’i bëhen të afërmve, punët e shtëpisë, ushqimet që do të gatuhen, po ashtu edhe ideja për temën që do të shkruaj në numrin e fundit është një stres dhe impenjim më vete. Edhe pse ideja, si bosht qendror, është mirë e strukturuar në mendje, patjetër që do të flitet për festat, vitin e vjetër dhe mbi të gjitha vitin e ri, fjalët që do ta mbushin shkrimin janë ato që e vështirësojnë punën. Më është dukur gjithmonë shumë e vështirë të gjeje ndarjen e drejtë midis rezymeve, këshillave dhe padyshim urimeve që bëhen gjatë këtyre ditëve, atyre patetike, të bëra sa për të kaluar radhën, apo sepse kështu do tradita dhe pjesës tjetër, atyre fjalëve të cilat dalin nga goja sepse ndihen vërtet në zemër dhe pasi janë elaboruar mirë në mendje. E dini çfarë? Mua nuk më pëlqen fakti që çdo vit urohen të njëjtat gjëra, kemi tre-katër fjalë standarde që i formulojmë bukur në një sms dhe ua nisim 400 e ca emrave (a mos më shumë) që kemi në listën tonë të telefonit. Më vjen keq, për mua mund edhe ta kurseni atë 200 lekëshin e mesazhit, sepse urime të tilla nuk më pëlqejnë fare!
Për mua urimet janë njësoj si dhurata, duhet të mendohesh mirë përpara se t’ia dërgosh personit tjetër, duhet ta njohësh mirë atë dhe duhet t’ia përshtatësh çdo urim dërguesit të tij. Ndryshe urimi e humb vlerën! E njëjta gjë vlen edhe për qëllimet që çdo vit të gjithë ne vendosim për vitin e ri, duke filluar nga ai kryesori që besoj qëndron në top listën e çdo femre: do nis dietën dhe palestrën dhe do të dobësohem 10 kile! Çdo vit i njëjti qëllim! Por përderisa vitet kalojnë dhe qëllimi mbetet i njëjtë, a nuk do të thotë kjo që qëllimi nuk është marrë kurrë seriozisht? Pra, edhe qëllimet e fundvitit dalin që, në pjesën e tyre më të madhe, të bëhen shkel e shko, sa për të gënjyer veten se e mbushe dhe ti listën tënde! Çështja nuk është te përpilimi i listës, por te zbatimi i saj!
Të gjitha këto ma vështirësojnë edhe më shumë shkrimin e fundit të vitit. Unë dua të bëj një urim special për të gjithë ju, një e nga një, por e dimë që është e pamundur, kështu që më duhet të mendohem mirë për të gjetur një urim që të jetë njësoj i rëndësishëm dhe të ketë njësoj vlerë për secilin nga ju që do të lexoni këto rreshta. Por e dini çfarë vështirësie dhe përgjegjësie është kjo për mua? E dimë shumë mirë që mbi gjithçka vjen shëndeti dhe një urim për një vit të shëndetshëm nuk ka njeri që nuk e do. Po edhe paratë janë të rëndësishme shumë, madje për disa ato vijnë edhe para shëndetit, sepse ka nga ata që mendojnë se po pate paratë shëndetit i bëhet dermani. Po është dhe kategoria e atyre që i kanë të gjitha këto, kanë shëndet, kanë edhe para, shumë madje, po ja që çdo natë nuk e bëjnë gjumin rehat nga dashuria e pamundur që nuk i lë të gëzojnë gjithë të mirat e tjera që mund të kenë. Kështu që si ta di unë që urimi im do të kënaqë një pjesë, por do të lërë indiferent pjesën tjetër? Për të mos folur pastaj për qëllimet dhe synimet për 2013-n, të cilat janë kaq individuale!
Prandaj do të më lejoni të bëj një urim të përgjithshëm, po aq edhe të veçantë, që na prek në mënyrë të drejtpërdrejtë të gjithë ne! Është një urim, po aq sa edhe një qëllim! Ajo çfarë do të kërkoja, shpresoja dhe dëshiroja unë nga ky vit që po vjen, për vete, por edhe për të gjithë ju, është që të bëhemi të gjithë nga pak më të mirë për veten tonë në radhë të parë dhe duke qenë të mirë me veten, atëherë patjetër që këtë mirësi do ta reflektojmë edhe te familjarët, miqtë dhe njerëzit tanë të afërt, e kështu do të jemi jo vetëm më të mirë me veten dhe njerëzit e dashur, por edhe me këtë vend, i cili çdo ditë e më shumë duket sikur po zhytet në errësirë (dhe jo vetëm në mënyrë metaforike) dhe ka kaq shumë nevojë për mirësi dhe energji pozitive. Mirësia është ajo që çon botën përpara! Ky është një parim për të cilin jam e bindur dhe nuk do ta mendoj kurrë ndryshe. Pas një viti të dhunshëm dhe të mbushur me ngjarje dramatike për këtë vend, të jemi pak më të mirë është dhurata më e bukur për çdo qytetar të këtij vendi. Por mos prisni që një dhuratë të tillë t’ua sjellë babagjyshi i Vitit të Ri! Kjo është dhurata që secili prej nesh ka në dorë dhe duhet t’i bëjë vetes së tij për të mirën individuale që është dhe e mira e përgjithshme e këtij vendi.
Gëzuar festat! Qoftë 2013-a një vit i mbushur me mirësi për secilin nga ju!

Wednesday, December 26, 2012

Krishtlindje shumengjyreshe!


Nese kjo puna ime si gazetare, qofte te Paloma, qofte te "Thumb",  ka nje te mire shume te madhe qe eshte, te mos paturit e nje orari fiks tete oresh, ku ti cdo dite duhet te shfaqesh dhe te largohesh nga zyra ne te njejtin orar, ku nuk mund te levizesh per shume gjate nga zyra gjate ketij tete orarshi, po ashtu ka dhe nje te keqe tjeter shume te madhe: nuk pyet fare per ditet e festave! Pak rendesi ka qe gjithe bota eshte pushim dhe feston, ti duhet te jesh ne zyre sepse gazeta do te dale gjithesesi te shtunen, po ashtu dhe episodet e radhes se Thumb. Kjo me ndodhi edhe mua dje, diten e Krishlindjes, te cilen per fat te keq e kalova gjithe diten ne pune, madje per te qene me e sakte ne tre pune! Ne mengjes isha ne gazete, ku duhet te punoj per numrin e radhes te cilin duhet ta mbyll nje dite perpara meqe te premten nisem per rruge. Me pas isha ne radio, sepse kisha emisionin "Sillikon", pastaj nje kthim tjeter ne gazete, nje mbledhje e shkurter ne zyrat e "Thumb" dhe me pas xhirime gjithe naten deri ne 2 te mengjesit per episodet e radhes. Kuptohet qe keto nuk ishin Krishlindjet me te bukura qe kam kaluar ndonjehere. Gjithesesi mes ketij vrulli pune, patjeter qe e gjeta kohen te beja nje ndalese te vogel ne shtepi dhe te lija dhuratat e babagjyshit poshte pemes :) Lumturia ne kenaqesine e familjareve te mi kur pane dhuratat, ishte per mua dhurata me e bukur per kete Krishlindje :) Dhe meqenese dita e djeshme nuk kishte asgje, nga nje dite e zakonshme feste Krishlindjesh, edhe veshja nuk e kishte ngjyren tradicionale te kesaj feste, te kuqen. E megjithate Krishlindja eshte dite feste, qe do s'do te mbushe me optimizem, shprese dhe ndihet nje arome gezimi e lumturie ne ajer. Prandaj dhe veshjen doja ta kisha te mbushur me ngjyra, si nje mesazh dhe urim per te gjithe njerezit e mi te dashur: qofte cdo dite e jetes tuaj e mbushur me sa me shume ngjyra!
Ky mesazh vlen edhe per ju te dashura mikesha, por edhe miq te ketij blogu! Qofshi perhere te lumtur dhe rrezatofshi vetem gezim ne fjale, fytyre dhe veshjen tuaj!

Monday, December 24, 2012

Dite dimri


E di qe jam bere nje vajze e keqe dhe kam  bere shume gabime keto dite...Aulona has been e very, very bad girl dhe babagjyshi  i vitit te ri do ta ndeshkoje dhe nuk do t'i sjelle dhurata kete vit :P E kam fjalen per mungesat e ketyre diteve. Nuk kam bere ndonjehere kaq shume mugesa ne blog dhe ju kerkoj falje. Nuk e di as si t'i quaj, te justifikueshme, apo te pajustifikueshme, por e enjtja dhe e premtja kane qene dite shume te ngarkuara, te shtunen jam zgjuar ne oren 5 mbasdite dhe kam fjetur ne oren 23.00 (me ne fund i rekuperova oret e gjumit per te cilat kisha aq shume nevoje), ndersa e diela ishte totalisht familjare, kaluar mes drekash dhe darkesh me disa nga njerezit me te dashur per mua. Keshtu qe verdiktin po ja u le ju :P
Dhe fotot e sotme jane pikerisht nga darka e djeshme, ne nje nga restorantet e mia te preferuara ketu ne kryeqytet Carlsbergu, por qe tani njihet me nje tjeter emer Xheko Imperial. Me pelqen shume si gatuhet atje dhe mund te them qe eshte nder te paktat vende ne Tirane ku merr nje cilesi sherbimi shume te mire, per cmime shume te arsyeshme. Ishte nje mbremje e kendshme mes miqsh,  ku u fol dhe u qesh pa fund dhe po ashtu u konsumuan edhe shume gjera te mira. Une e nisa darken gjoja vetem me nje sallate, por perfundova duke ngrene edhe bakllava ne fund :P
Sa i perket veshjes, ju kujtohet kur ne nje tjeter post (ketu) ju kam shkruar qe ne garderoben time mbizoterojne palltot me ngjyra, por ama gjendet edhe nje gri. Pikerisht per kete behet fjale! Eshte nje pallto e cila me pelqen shume ne cdo detaj, por sidomos ne prerje. Mendoj se kjo eshte prerja ideale per trupin tim, pasi me evidenton me mire format. Fatkeqsisht, nuk e di perse por, nuk kam arritur te gjej deri me sot nje tjeter pallto tjeter kaq te pershtatshme per mua. Beretat, ashtu si kapucet, apo kapelet jane nje tjeter aksesor qe une i kam shume qejf si ne vere, por vecanerisht ne dimer. Nje here e nje kohe i kam pas perdorur shume, keto kohet e fundit e kam reduktuar disi perdorimin, pasi mesova se nuk bejne shume mire per njerezit qe kane probleme me floket, si une. Pjesa tjeter eshte nje fund lekure ruffled leather skirt, nje pulover dhe nje pale cizme me theke, te gjitha ne ngjyre te zeze. Keto dite kam qene disi ne nje "mood" pak gri dhe kjo eshte reflektuar edhe ne veshjen time.
Per ta mbyllur, ju lutem thojini babagjyshit ndonje fjale te mire per mua, mos te me denoje per gabimin qe kam bere :P Ndersa ju te gjithave, ju uroj nje fillim jave te mbare dhe Gezuar Krishtlindjen!


Wednesday, December 19, 2012

Pizza...apo Fur?!


Si fillim, nuk mund ta nisja kete post pa ju treguar se sot ne mengjes jam zgjuar si mekatare...Kam nevoje urgjente per t'u rrefyer dhe ju do te jeni "priftereshat" e mia...:P Dje ne darke, ekzaktesisht ne oren 23.25 une kam bere nje mekat te madh, nje mekat nga ata qe nuk i bej kurre, nje mekat qe gjithe naten me ka perpelitur neper krevat dhe cdo nje ore me ka lene te dera e frigoriferit per te shuar etjen dhe zjarrin qe ndjeja perbrenda....dje ne darke, ne oren 23.25 une...Aulona Musta...ju rrefej qe...kam ngrene nje pice gjigande, te gjithen per vete!!! Uhhhh e thashe mo se po plasja...Ndihem me e cliruar tani qe e ndava kete sekret me ju, edhe pse vetem menderisht, sepse fizikisht jam me e mbushur se kurre, me nje bark qe me kujton vazhdimisht per krimin qe kam kryer dje ne darke!
E di qe mbase per ndonje nga ju, kjo mund te duket qesharake, por me besoni une kam hequr shume derisa arrita ta bind veten time gjate ketyre viteve qe nuk duhet ngrene kurre ne oren 23.00 te darkes, e aq me shume nje pice e tere supermegaekstrakalorike...Gjithesesi krimi u krye dhe tani eshte e kot te qahem. Nuk e di c'me kishte gjetur dje ne darke, po ajo Fatma e ka fajin, sepse kishte vendosur nje status ku tregonte qe po hante pica dhe po pinte cola dhe po shikonte "Shtepiake te deshperuara" dhe mua me hypi nepsi i madh dhe, edhe pse u mundova ta sabotoja darken e saj te shijshme duke i folur per celulitra, barqe me dhjam dhe krah qe varen nga tulet, si perfundim deshirat e egra per te shqyer nje pice fituan mbi mua...:'(
Aaaa e teprova me duket me kete muhabetin e pices, se nuk ishte per te qe doja te flisja sot. Ne fakt sot as nuk e kisha ne plan te shkruaja shume. Thjesht do plasja ca foto ketu ne post me nje nga veshjet e mia te preferuara qe eshte ai qe po e quaj fur vest, sepse nuk di si ta perkthej ekzaktesisht ne shqip (jelek leshi?! :D) Kjo eshte nje dhurate qe partneri im (qe dihet qe eshte me shume gusto per sa kohe me ka zgjedhur dhe mua :D:P) ma ka bere dhurata para dy vitesh per ditelindjen time. Fatmiresisht eshte nga ato veshje qe cdo sezon eshte ne mode dhe te "nderon" :P Kam zgjedhur ta kombinoje me nje pale xhinse te bardha dhe nje kemishe blu elektrike, qe sic e kam thene shpeshhere edhe ketu ne blog eshte nje nga ngjyrat e mia te preferuara, si dhe me nje pale gjysemcizme me nje take shume komode, perfekte per ditet e mia gjithe kohen ne levizje...Dhe per ato qe mund te pyesin si ka mundesi qe je veshur kaq "hollshem" ne dite kaq te ftohta, ne fakt keto fotot jane bere nja tre jave me pare, por une i kisha harruar fare. Dhe sa per fotot, s'me pelqejne fare si jane realizuar, sepse aparati im ka ca kohe qe po ben numra...Kur ta kullufis ndonje dite nga inat edhe ate me keq se picen ta shohi mire...

P.S: Kjo me poshte eshte nje shaka shume simpatike e te dashurit tim, te cilit pasi i hengra veshet me kete muhabetin e pices, me "plasi" kete gjene ne wallin e Facebookut...Ehhh pervecse me gusto eshte dhe me humor dreqi :D :P

Tuesday, December 18, 2012

(S)'po vjen fundi i botes...


Blogista dhe blogiste si jeni? Ku po ju gjen kjo jave? Jeni bërë gati për fundin e botës, apo jo? I keni bërë gati valixhet? Keni vendosur çfarë do merrni me vete? Jeni pajisur me kremra me Spf të lartë, shumë të lartë, mbi 100 se njëra nga teoritë që kemi dëgjuar në lidhje me 21 dhjetorin thotë se nuk do të kemi më një diell, por dy diej. Imagjinoni çfarë qejfi, plazh 12 muaj të vitit, do bëhemi të gjithë zezakë. Sa mirë kështu, me këtë rast do të zhduket edhe racizmi dhe  diskriminimet se do të bëhemi të gjithë të zinj. Ja, e shikoni që ka edhe një gjë të mirë që mund të nxjerrim nga fundi i botës?
Gjithsesi, duke i lënë mënjanë shakatë, mua personalisht ky diskutimi në lidhje me 21 dhjetorin dhe parashikimin e famshëm të fisit Maja më ka ardhur në majë të hundës. Nuk mundem më po ju them! Hap gazetat, lexoj për fundin e botës; hap televizorin, shoh e dëgjoj për fundin e botës; ulem në tavolinë të pi një kafe e të çlodhem me muhabet të këndshëm me miqtë e mi, edhe aty do të flitet për fundin e botës! Në rregull, që të jemi të gjithë të qetë, po jua them dhe fiksojeni një herë e përgjithmonë: nuk do të ketë asnjë fund të botës në 21 dhjetor 2012, prandaj rrini të qetë! Nuk do të ketë përmbysje, shkatërrime dhe çarje të tokës që do të na thithë të gjithëve poshtë, nuk do të vërshojnë detet nga të gjitha anët, nuk do të ketë as një rikthim të dinozaurëve, të cilët e sigurt që nuk do të zbresin me krah fluturues nga qielli (po, po, më besoni që edhe këtë teori e kam dëgjuar). Normalisht që këtë nuk e them vetëm unë, se nuk jam aq e zgjuar sa të marr përsipër të bëj deklarata të tilla, e ka thënë edhe NASA, e cila pasi pa panikun që u shpërnda në gjithë botën, dha disa ditë më parë një konferencë për shtyp ky shpjegoi shkurt, qartë dhe pastër të gjitha pyetjet në lidhje me 21 dhjetorin. Madje jo vetëm që nuk do të ketë përmbysje bote siç kemi parë në filmin “2012” (nuk thonë kot që ky Hollivudi po i prish njerëzit), por mesa duket as nuk do të ndodhë ndonjë nga ato fenomenet e çuditshme që kanë përshkruar, si ai që përmenda më sipër, p.sh. që nga një diell, do të kemi dy të tillë apo që do të ketë një mbivendosje të tillë planetesh që për tri ditë do të bëhet një errësirë totale.
U qetësuat tani? Do t’i zbrazni valixhet? Do të dilni nga tunelet ku jeni future? Sepse kam lexuar dhe dëgjuar edhe lajme të tilla qesharake, si p.sh. që qeveria amerikane ka hapur qindra tunele të nëndheshëm ku do të strehojë banorët e tij për t’i shpëtuar përmbytjes. Përmbysja nuk do të vijë nga qielli, se nuk është luftë e bombardimeve që vijnë nga lart dhe ti futesh në tunele të nëndheshme apo bunkerë. Nëse ndodh përmbysja vërtet, të paktën siç e kemi parë në çdo film, nga poshtë ndodh, d.m.th nga toka, është ajo që çahet dhe në këtë rast tunelet sikur s’bëjnë shumë punë, apo jo?
 Kështu që, pasi i sqaruam të gjitha këto budallallëqe në lidhje me fundin e botës, më lini të them edhe një gjë të fundit, por shumë të rëndësishme. Kam dëgjuar shpesh njerëz të thonë që janë mediat që po përhapin panik mes njerëzve me gjithë këtë bombardim informacioni për përmbysjen e botës. Kanë pjesërisht të drejtë. Mediat, veçanërisht ato online dhe të pakontrolluara, kanë shpërndarë shumë informacion, pjesa më e madhe të pasaktë, të pavërtetë dhe të ekzagjeruar. Kjo ka bërë që shumë njerëz, e sidomos të rinj dhe adoleshentë, t’i kapë një gjendje paniku, aq sa ka pasur dhe raste vetëvrasjeje. Në këtë rast është detyra parësore e prindërve të kontrollojnë mediat me të cilat janë në kontakt fëmijët e tyre, sidomos ata në moshë të vogël që nuk janë në gjendje të kuptojnë dhe të arsyetojnë siç duhet dhe përveç kësaj, ç’ka është dhe më e rëndësishmja, t’u qëndrojnë pranë dhe t’u përgjigjen e shpjegojnë çdo pyetje që kanë në lidhje me këtë temë mjaft delikate dhe abstrakte sidomos për moshat e reja.
Per me shume ne lidhje me kete teme, mua do te me keni diten e enjte ne mbremje, date 20 per 21 ne studiot e Top Show duke pritur se bashku fundin e bote :D :P
Po ju c'mendim keni per parashikimin e fisit më të famshëm në botë, që ia ka kaluar dhe Kardashianëve, fisit Maja? Ka ndonje nga ju qe e beson se do te ndodhe vertete dicka ne 21 dhjetor, apo jo?

Monday, December 17, 2012

Viti i Ri ne plazh



Te dashura mikesha te "United Colors Of Aulona", si fillim uroj te keni kaluar nje fundjave sa me te bukur, relaksuese per ato qe kane patur nevoje per pak qetesi dhe plot adrenaline per grupin tjeter qe kane patur nevoje per emocion. Per mua ishte nje fundjave e zakonshme, pjesen e pare te se ciles e kalova me familjen, te ciles per fat te keq keto kohet e fundit nuk po i kushtoj vemendjen dhe kohen e duhur :( dhe pjesen e dyte ne pune. Nderkohe ditet e mia kane filluar te pushtohen nga emocionet e fundvitit qe do te kaloj ne Paris. Me ne fund prenotova clubin, per te cilin kam 2 muaj qe kerkoj online, pyesja andej ketej dhe prape nuk me mbushej mendja. Keshtu eshte kur ke shume alternativa, nuk di ke te zgjedhesh pastaj. Gjithesesi vendosa per "Queen Club", duke patur si kriter paresor muziken. Duke qene se ne Paris, me aq sa kuptova pjesa me e madhe e klubeve luajne house dhe elektronik edhe per naten e vitit te ri dhe meqenese personalisht kete muzike nuk e duroj dot me shume se 5 minuta, do te ishte torture ta kaloja gjithe naten e Vitit te Ri duke degjuar ate lloj muzike. Gjithesesi per gjithe miqte qe e lexojne kete post dhe qe jo vetem kane qene ne Paris, por kane edhe ndonje eksperience personale me kete club, jane te mirepritura mendimet :)
Por sot nuk do te shkruaj per Parisin, per te cilin patjeter qe do te shkruaj gjate e gjere pasi te kthehem.  Duke qene se ju me keni kerkuar here pas here te postoj foto dhe te flas per udhetimet jashte Shqiperise dhe une patjeter qe do t'ja u plotesoje kete deshire :) Dhe meqe jemi ne periudhen e festave te fundvitit, edhe une per nje udhetim te bere gjate kesaj pariudhe do t'ju shkruaj. Kjo eshte hera e dyte qe une e kaloj Vitin e Ri jashte Shqiperisw. Para tre vitesh kam qene ne Egjyt, Sharm El Sheik per te pritur vitin e ri 2010. Ne ate periudhe Sharm El Sheik ishte ne kulmin e tij (se nuk kishte akoma nga ato historite horror me agjensi qe falimentojne dhe turista shqiptar te mbajtur peng :P) dhe une kisha qene edhe dy hete te tjera me pare,  nje here ne 2007-en dhe nje here ne 2009-en per pushimet e veres. Ceshtja ishte qe doja te prisja nje here fundvitin jo e veshur me xhup, shalle e dorashka, por me rroba banjo :) Keshtu qe bashke me shoqen time te ngushte, Edliren, vendosem qe ate vit te festonim ne Sharm. Padyshim qe ishte nje eksperience shume e bukur. U nisem te veshura me triko leshi dhe kur mberritem atje dolem me rrobabanjo ne plazh. Ndersa komunikonim me njerzit tane ketu dhe i thoshim se ishim duke marre rreze, te gjithe habiteshin. Ne fakt, per vende si Egjypti, dhjetori eshte periudha ideale per te bere plazh, pasi temperaturat jane diku te 25-30 grade, nderkohe qe ne vere shkojne deri ne 46 grade, duke u kthyer edhe ne shqetesim. 
Padyshim qe gjeja me e bukur e atyre diteve ishte plazhi, deti dhe dielli i Dhjetorit! Dilnim qe ne 9 ne mengjes dhe futeshim brenda ne shtate mbasdite. Dite relaksi total, kaluar duke marre rreze me kufje ne vesh, duke biseduar me njera tjetren dhe duke kaluar ne skaner gjithe plazhin :P, duke notuar ne detin e mrekullueshem te Sharmit qe me aq sa kam pare dhe vizituar une, eshte deti me i bukur ne bote sa i perket pasurive natyrore, i  mbushur me peshq te shumellojshem shumengjyresh qe notojne ne siperfaqe dhe ke mundesi ti shohesh e ti fotografosh (sic do te shihni dhe ne fotot me poshte). Sa i perket nates se nderrimit te viteve, nuk ishte asgje te jashtezakonshme. Pervec faktit qe ne nje moment u ndjeme pak te vetmuara, mbi te gjitha gjate nje feste te tille familjare sicc eshte ajo e Vitit te Ri, pjesa tjeter ishte mire. Tavolinat ishin te percaktuara qe me pare dhe ne na ra te uleshim ne nje tavoline me disa polak, ku ishim tre "cifte" gjithesej. Nje cift nga Polonia burre e grua, nje ccift tjeter po nga Polonia babe e bire dhe ne, cifti i shoqeve te ngushta nga Shqiperia. Kishte shume gjera te mira per te ngrene dhe muzike te lezetshme per te kercyer. 
Te nesermen e kaluam serish te gjithen ne plazh dhe te pasnesermen u kthyem qe ne mengjes ne Shqiperi, nje udhetim qe do ta mbaj mend si me te frikshmin deri me sot. Per shkak te kushteve te keqija atmosferike,  shiut me gjyma, vetetimave dhe bubullimave te frikshme avioni kishte lekundje te tilla qe edhe ne filma kur i shikojme trembemi, e jo me aty brenda ne avion. Gjithsesi ne fund mberritem shendosh e mire dhe e harruam udhetimin sapo takuam familjaret qe gjeja e pare qe na thane ishte "uaaa sa qenkeni nxire" :D
Ky ishte shume shkurtimisht pershkrimi i atyre diteve te bukura dhjetori te mbushura me diell dhe det. Padyshim qe do te zgjidhja serish te kaloja fundvitin ne nje vend te nxehte, madje edhe kete vit kur po bisedoja me partnerin tim per te caktuar vendin dhe llojin e pushimeve qe donim te benim per kete fundvit ishim te dyzuar mes nje vendi te ftohte, apo nje vendi larg Europes ku te benim edhe plazh, gjithesesi deshira per te pare Parisin triumfoi dhe pushimet dimerore ne plazh i lame per vitin qe vjen :)
Me shume deshire pres te degjoj eksperiencat tuaja. E keni kaluar ndonjehere vitin e ri ne det? Si ju duket si ide? Jeni me shume per Vitin e ri me bora, po me diell dhe det? Me shkruani! :)

P.S: Ju kerkoj ndjese per cilesin jo te mire te fotove, po nuk i kam ne kompjuter, keshtu qe u detyrova ti marre nga Facebooku dhe rrjedhimisht cilesia nuk eshte dhe aq e mire :)















Nje "ruski" duke shijuar cdo rreze dielli, ashtu sic vetem ruskit dine :P