Ke te marre e ke te le, naten gjumi nuk me ze...se shoh keto blogjet :P

Meqe pak kohe me pare, disa prej jush me kane kerkuar te bej nje post ne lidhje me blogjet e mi te preferuar, erdhi momenti qe une ta bej dicka te tille :) Do te postoj linqet, disa fotot dhe arsyet (shkurtimisht) perse me pelqejne dhe i ndjek keto blogje.

1. E para ne liste dhe ne preferenca eshte Garance Dore, francezja qe jeton ne New York dhe qe me shume se sa per fotot, apo per moden e ndjek dhe me pelqen per menyren e te shkruarit. Blogu i saj eshte ai qe ne kendveshtrimin tim eshte nje blog ideal, pasi permban gjithcka aty brenda, foto, shkrime, mode, personazhe, eshte nje ditar personal i Garance ne te cilin ndan gjithcka nga e perditshmja e saj. E adhuroj blogun e saj dhe eshte i vetmi qe nuk ka dite qe mos ta kontrolloj! Dhe pasi i shkruajta keto, po them dhe arsyen e vertet perse me pelqen Garance dhe blogu i saj, sepse ndryshe nga 90% e blogereve te tjera ajo nuk ka floke te gjate dhe te mrekullueshem, perkundrazi... Ka shkruar gjithmone neper postet e saj qe ka shume probleme me floket, qe nuk i pelqejne aspak dhe kjo eshte arsyeja perse i mban gjithmone te kapura! A ka me ngushellim se sa kjo, per nje person si une, qe floket i jane kthyer ne makth? Je t'aime Garance!

1. 

2.I dyti ne liste eshte La pinella, blogu i prezantuese se famshme Alessia Marcuzzi, te cilen une gjithmone e kam patur shume qejf, por qe pasi kam zbuluar blogun e saj, e kam edhe me shume. Ky blog eshte vendi me i mire per te kuptuar se si thjeshtesia, dashamirsia, humori, ciltersia jane arma me e mire per kedo, edhe per nje superyll sic eshte Alesia. Edhe pse ajo eshte nje nga prezantueset me te paguara dhe me te dashura ne vendin e saj, nuk e ka aspak problem te dale ne foto fare e pa lyer, te mos preke asnje nga fotot e saj me fotoshop (madje ky eshte nje nga kushtet qe ka blogu i saj, te cilin e ka theksuar vete Alessia qe kur e ka hapur, s'do te perdore kurre fotoshop edhe per ti dhene nje mesazh vajzave qe bukuria nuk eshte gjithcka), te pozoje ne menyra te cuditshme, shume spontane dhe aspak seksi, apo ato pozat tipike te blogereve. Me pak fjale eshte nje blog te cilin ja sugjeroj te gjithave, sepse jam e bindur qe mjafton te futeni nje here dhe do ngecni vete aty pastaj :)

3.My daily style eshte blogu te cilin vizitoj sa here dua te inspirohem per ndonje veshje. Sic e thote edhe vete emri i blogut, behet fjale per nje blog ne te cilin nuk ka veshje qe ta shohesh dhe te te duket e ekzagjeruar, behet fjale per nje stil per jeten e perditshme te cdo vajze. I thjeshte dhe i bukur!

4. Man repeller eshte ai blog leximin e te cilit e shoqeroj gjithmone me te qeshura te medha. Edhe pse stili i Leandres me duket shpesh i cuditshem dhe pak me i guximshem per mua dhe vecanerisht vendin ku jetojme se mbase po te isha dhe une diku ne Amerike, apo cdo shtet tjeter s'do e kisha shume problem, shkrimet jane ato qe me terheqin me shume dhe me bejne te jem nje ndjekese e rregullt e ketij blogu. Keshilluar per ato qe nuk duan te shohin vetem figura, por jane te afta te lexojne me shume se sa tre fjali ne nje shkrim...:D

5. Ehhh Carla, Carla, sa e bukur je ti Carla...Dakort e pranoj, blogun Carla's Closet e ndjek vetem sepse me pelqen shume Carla! Eshte shume e bukur, aq e bukur saqe ndonjehere me duket vetja si ndonje lac bishtpllum me cizme me maje dhe tuta me percina, qe rri me gojen hapur duke pare Carlen e tij, te cilen nga momenti ne moment do ta rrembeje sepse ka rene ne dashuri...(jo nuk jam lesbike, thjesht po bej shaka). Por duke i lene menjane shakate padyshim qe me pelqen shume edhe si vishet Carla, keshtu qe edhe ky eshte nje listen e blogjeve te mi te preferuar.

6. Si fillim duhet te them qe emri Andy Torres me duket shume seksi. Po nuk eshte kjo arsyeja perse e ndjek kete blog! Besoj se nje pjese e madhe e juaja duhet ta njohin se kush eshte, pasi Andy eshte nder blogeret me te famshme dhe te dashura ne bote, por dhe ne Shqiperi me sa kam pare. Rrjedhimisht shume nga ju duhet ta njohin blogun e saj Style Scrapbook. Mua me pelqen sepse me duket se me shume se sa te ndjeke copy paste tendencat, Andy ka shume guxim te beje kombinime qe peshtaten me tipin dhe natyren e saj. Dhe gjithmone gjithcka i duket bukur. 

7. Nje tjeter e preferuar sa i perket stilit dhe kombinimit te veshjeve eshte dhe Aimee Song e blogut Song of Style. Me pelqen cdo kombinim qe ben dhe me duket shume e natyrshme dhe aspak e sforcuar ne zgjedhjet e saj te perditshme. 

8. E ndjek te famshmen Chiara Ferragni per te enderruar jo vetem me veshjet e shtrenjta dhe te mrekullueshme qe ka, por edhe per jeten perrallore qe ben, vendet e jashtezakonshme qe viziton dhe gjithe lluksin qe ka blogu i saj.

Keto ishin ata me kryesoret, pastaj ka edhe disa blogje te tjere tek tuk te cilet i vizitoj here pas here. Gjithesesi jam kurioze te di cilet jane disa nga blogjet tuaja te preferuara. Cfare ndiqni me me kenqesi dhe cfare do te me sugjeronit te shtoja ne listen time? Jane te mirepritur sidomos blogjet ku fjala eshte me e rendesishme se sa fotot :)