Kurre mos thuaj kurre...

E mbani mend para disa javesh, kur ne nje post, une kam shkruar per disa kombinime te cuditshme qe me kishin bere shume pershtypje sic ishte kombinimi i bluzave dhe xhaketave sportive me funde, apo fustane me elegante, medafshi, apo dantelle? Nese kishte nje gje ne kete bote per te cilen isha e sigurte, ishte qe kurre nuk do te beja kombinime te tilla. Edhe pse shpesh me kane quajtur te guximshme per kombinimin e ngjyrave, ne kete pike  mendoja se guximin nuk do ta gjeja kurre. Por kot nuk kane thene disa njerez te mencur me shume se sa une, "kurre mos thuaj kurre". Zbulova qe qenkam me e guximshme se sa duhet. Per te ma vertetuar kete sherbyen nje palte atlete dhe nje fund me dantella, te cilat s'ma kishte marre mendja kurre se mund ti kombinoja ndonjehere bashke.Gjithcka lindi shume natyrshem. Dy dite me pare isha e ftuar ne nje emision dhe veshja qe zgjodha ishte fundi qe shikoni ne kete foto, bashke me xhaketen dhe nje pale kepuce te larta me taka. Teksa po dilja nga shtepia, ne koridor me kapen syte atletet qe kam blere nje jave me pare dhe qe akoma s'me ishte dhene mundesia t'i postoja me ndonje veshje ne blog. Eshte per t'u theksuar qe diten qe bleva atlete e kam shenuar ne kalendar, pasi pervec atleteve te palestres te cilat jane nje pale Rebook qe une i dashuroj dhe qe kane pese vjete qe qendrojne stoike dhe m'i kane bere dhurate, keto jane atletet e para dhe te vetme qe une kam dhe qe i blej me duart e mia. Nuk kam qene kurre tipi i atleteve, nuk kam veshur kurre atlete dhe s'me ka pelqyer kurre vetja si ngjaja me atlete. Po kur i pashe ne vitrine keto, me mbeti mendja dhe vendosa qe do t'i merrja. Dhe nuk jam bere aspak pishman, perkundrazi deri tani m'i kane pelqyer shume.

Per t'u kthyer aty ku e lame, te korridori...Pasi me kapi syri atletet, ne fraksjon sekondi me shkrepi ne mendje ideja qe t'i kombinoja me fundi portokalli qe kisha veshur. Nuk di si ta shpjegoj, por besoj se te gjithave do t'u kete ndodhur ndonjehere qe shikon nje veshje te caktuar dhe direkt ne koke te shfaqet i gjithe kombinimi, pa patur nevoje fare te mendohesh dhe te sforcohesh. Kuptohet qe per ne emision nuk mund t'i vishja dot, keshtu qe mezi prita te gdhinte dita qe te beja kombinimin e famshem. Te them te drejten, mua vete rezultati me pelqeu, madje me shume sec e kisha menduar. Edhe ata njerez qe me pane me komplimentuan, nder te tjera edhe Armanda nje nga bloggerat shqiptare te cilat une ndjek me me kenaqesi dhe qe i adhuroj stilin e guximshem dhe te vecante qe ka ne kombinimin e veshjeve. Per ata qe jane kurioz mund ta ndjekin ne blogun e saj http://mandislondon.blogspot.it/. Armanda jeton ne Londer prej 13 vitesh dhe studion per fashion design. Njohja jone ka qene virtuale, fale blogjeve perkates, por keto dite ajo gjendej ne Tirane dhe me shume deshire vendosem te takoheshim. Ishte nje takim shume i bukur, qe me la mbresa shume te mira.Manda madje me beri edhe disa foto, te cilat sapo te kthehet ne Londer do t'i vendose ne blogun e saj dhe une po pres me padurim.

Nderkohe jam vertet kurioz te di dhe mendimin tuaj per kete kombinim. Si ju duket? Shkon pjesa siper e veshjes me fundi dhe xhaketa me elegante, me atletet sportive? Cila ka qene veshja dhe kombinimi me i guximshem qe keni bere? Po pres me padurim te degjoj mendimet tuaja :)

Fundjave te mbare te gjithave!