Monday, April 29, 2013

Monstrat virtuale...

Edhe një herë tjetër do t’i kthehem një teme për të cilën kam shkruar edhe më parë dhe që e përmend shpesh në biseda mes miqsh dhe të njohurish, por edhe të panjohurish; një temë që kam vënë re na shqetëson të gjithëve dhe që dita-ditës po shndërrohet në një problem të madh: bota virtuale dhe lukunia e shpirtrave të trazuar dhe të tjetërsuar që fshihet pas tyre, që me komentet dhe fjalët e tyre janë gati të nxjerrin më të keqen prej teje dhe të të tjetërsojnë edhe ty. Kanë ndodhur disa episode këto kohët e fundit që ma kthyen edhe një herë në vëmendje këtë shqetësim, më i fundit dje në mëngjes, gjatë intervistës me Xhimin dhe bashkëshorten e tij. Ndër shumë gjërat që u thanë në intervistë, pati diçka që tërhoqi ndër të tjera vëmendjen time, mbase ngaqë ishte një temë e nxehtë që më kishte prekur veçanërisht kohët e fundit. Bashkëshortja e Xhimit po tregonte se si gjatë kohës që imazhi dhe emri i saj u bënë publik, për shkak të bashkëshortit të saj, menjëherë në faqen e saj personale në Facebook kishin filluar t’i vinin mesazhe të ndryshme ofenduese, fyese, mesazhe të shëmtuar, mesazhe të mbushura me tone urrejtjeje dhe shumë negativitet. Dhe të gjitha këto nga njerëz që ajo nuk i njihte fare, as nuk e dinte për ekzistencën e tyre; njerëz që e kishin parë të shfaqej një herë në ekran, për vetëm disa minuta, dhe menduan se aq mjaftonte për ta njohur dhe për më tepër për ta bombarduar me mesazhe negative. Gra që i shkruanin se nuk e besonin fare që ajo shkonte aq mirë me Xhimin dhe se ishin të sigurta që ai e tradhtonte; gra që e quanin gënjeshtare thjesht sepse ashtu mendonin ato, pa pasur asnjë bazë; gra që me siguri gjithë mllefin dhe inatin e marrëdhënieve të tyre të dështuara ia zbraznin një gruaje që nuk e njihnin fare, por u mjaftonte historia e saj e bukur e dashurisë për ta bërë të urryer në sytë e tyre. Ajo ishte e lumtur në marrëdhënien e saj të gjatë, ato jo. Kaq mjaftonte që ajo të ishte e keqe, e poshtër, e ndyrë, e shumë e shumë epitete të tjera, që mjaftuan ta detyronin ta mbyllte faqen e saj në Facebook, sepse nuk duronte dot presionin.
Presioni i madh detyroi edhe një të njohurën time të mbyllte blogun e saj, i cili nga një hapësirë virtuale që duhej t’i dhuronte kënaqësi, u shndërrua në një makth të vërtetë, kur i vinin sinjalizime për mesazhet që merreshin me gjithë pemën gjenealogjike të familjes së saj. E çfarë mund t’i quash këta njerëz përveçse monstra? Njerëz që nuk respektojnë as të gjallë e as të vdekur? Njerëz që nxjerrin helm nga gojët e tyre të ndyra dhe përlyejnë tastierat ku shkruajnë me duart e tyre të fëlliqura. U kërkoj ndjesë lexuesve për fjalorin e përdorur, por karshi qenieve të tilla nuk mund të tregohem dot e butë.
Shoh në Facebook komente të ndryshme që bëhen për personazhe publikë, që për nga mënyra e të shkruarit vë bast që janë të bëra nga ndonjë burgaxhi, ndërkohë kur klikon foton e profilit shikon një nënë që ka pozuar e lumtur me dy fëmijët e saj. Po si është e mundur që një grua e re, me dy fëmijë në krah, të ketë brenda vetes kaq shumë helm? Si është e mundur që një nënë të shajë e të mallkojë një njeri që vetëm e ka parë nga ekrani dhe nuk e ka njohur e s'ka për ta njohur kurrë? Ku e gjen të drejtën të shqetësojë vetë personin që ka përmendur apo familjarët e tij që mund ta lexojnë atë koment? Kjo është gjuha me të cilën do t’i mësojë të rriten fëmijët e saj? Për fat të keq po, sepse kjo nënë që pa pikën e turpit dhe dhembshurisë del e shan, e mallkon me fjalë nga më të ndyrat një person që nuk e njeh dhe nuk i ka bërë asgjë të keqe, imagjino se çfarë mund të bëjë me njerëzit që ka pranë dhe që mund ta cënojnë diku, qoftë edhe pa dashje. Për mua kjo nënë është padyshim mallkimi më i madh i fëmijëve të saj, që i ka rënë për pjesë të rriten nga një gjarpër.
Mbase fjalët dhe tonet që kam përdorur në këtë shkrim janë paksa të ashpra, por më besoni që këto monstra virtuale janë shumuar shumë dhe duhen mbajtur larg nga jetët tona...


- Ahhhh kur e kapen veten dhe ato dy injorantent, ato dy analfabetet, ato dy shkushkat e dreqit moj moter...
- Lere moj moter se se une i njoh me rrenje e dhemballe ato te dyja, po s'ja vlen te merresh me to, se nuk jemi ai nivel ne...po hajde tani se na filloi Fatmagyleja se s'kemi kohe per te humbur me ato dy histeriket!

Friday, April 26, 2013

Ghetto girl...


Per postin e sotem mora spunto (po spunto cfare eshte? :D) nga komenti i Jones, e cila eshte nje ndjekese dhe komentuese e rregullt e ketij blogu, e cila po ashtu ka edhe nje blog te sajin shume simpatik. Ne nje koment te sajin, te dy posteve te meparshme ajo me shkruante "me pelqejne shume kalimet qe ben nga nje stil ne tjetrin", koment i cili me beri per te qeshur, sepse kishte evidentuar pikerisht ate c'ka mua me karakterizon, nderrimi i vazhdueshem i stileve. Sic mund te jete vene re edhe ketu ne blog, une kam kalime te shpeshta dhe ndonjehere te habitshme te stilit nga nje dite ne tjetren. Mua me pelqen gjithcka dhe realisht nuk e di si do ti pergjigjesha pyetjes: "a ka ndonje gje qe s'te pelqen te veshesh?", sepse qofte edhe vetem per te eksperimentuar njehere, une do i provoja te gjitha. Mbase ka te beje me shenjen time te horoskopit, shigjetari, qe me ben te jem nje natyre shume kurioze dhe gjithmone e etur per te eksploruar gjera, vende, njerez dhe mesa duket stile te reja ne veshje. Keshtu nese ne nje post me keni pare te veshur si cupeline 10 vjecare e veshur gjithe ngjyra, ne nje me perpara me keni pare te veshur me seksi me strece, ndersa ne nje me pas me rock e gjitha me lekure, sot do te me gjeni te veshur sikur sapo te kem dale nga ndonje ghetto :P Dhe ne fakt ne nje ghetto kam dale, por jo ghetto e Amerikes, por e Tiranes, sepse edhe foto jane shkrepur ne nje ambjent qe me te vertet duket si ndonje ghetto e frikshme, edhe pse gjendet m'u ne zemer te Tiranes. Pantallonat e gjera, shume te gjera jane nje nga dashurite e mia me te medha. I vesh shpesh dhe meqe jam e mendimet se sa me te gjera aq me mire, tani kam rene rehat se sa here me duhen ja marr Tomit (te cilin ju tashme te gjithe e njihni :P). Ne kete post e kam kombinuar me nje kanatiere te thjeshte me viza dhe me nje xhakete sportive ngjyre roze qe mua me pelqen shume. Dhe meqe panallonat e gjera te bejne te dukesh pak me e gjere se zakonisht, une nuk i shoqeroj asnjehere me atlete, por gjithmone me taka, sic kam bere edhe kete here, edhe pse disa mikesha te miat u "tallan" duke thene se ngjaja si ata kllounat e gjate me kembe druri :D
Fotot jane shkrepur diku nga ora 10 e nates, kur une po kthehesha nga nje dite super e lodhur dhe e ngarkuar pune dhe besoj se fytyra ime e reflekton me se miri kete. Ndjese kujt kjo mund t'i shkaktoje problem :P


Wednesday, April 24, 2013

Leather weather!


Neser kam provim, neser kam provim, neser kam provim...Me vjen keq, po perpiqem te shkruaj dicka tjeter por e kam te pamundur, sepe...neser kam provim!!! :( Eshte nje stres shume i madh, kam shume per te mesuar, prandaj sot kam vendosur qe deri ne tre do te jem ne zyre dhe me vone do t'i fik te gjitha, me Facebook, me telefon dhe do zhytem me koke mbi libra. Por deri ne oren tre na ndajne dhe nja tre ore, keshtu qe mendova ti shfrytezoja per te shkruar shpejt e shpejt nje post. Po do ti qe me ka kapur nje "writer's block" (oh yeaaahhh baby) dhe nuk po lidh dot dy fjale bashke. Dy fjale te bukura e kam fjalen, nga ato me humor, nga ato qe ju pelqejne ju dhe ju bejne per te qeshur, se te pakten keshtu ma keni ngritu mendjen vete, s'kam faj une qe me "rre menja" qe kam humor :P
Gjithsesi posti i sotem i dedikohet mbremjes se te shtunes, mbremje kur ne vend qe te rrija ne shtepi te mesoja (ne menyre qe mos te kisha kete takikardi e aritmi sa here qe permendet fjala provim, sot), une si nje nxenese e keqe zgjodha te dilja dhe te beja qejf :( Por kisha arsye dhe te forte ama. Te Mumja Club, Andy Dj, qe ne te njejten kohe eshte edhe shefi im duke qene se drejton radio NRG, organizonte nje party per lancimin e kenges se tij me te re, ne bashkepunim me Fugen. Per me teper kishte edhe ditelindjen. He tani, si thoni ju, lihej kjo mbremje,per ta kaluar ne shoqerine e Auguste Comte, Thomas Kuhn e disa filozofeve te tjere te merzitshem? :P Si gjithmone perpara se te shkonim ne club, u mblodhem ne shtepine e mikeshe time Majli, ku tashme eshte  na eshte bere ritual te ndjekim "Big Brother". Ne fakt, kjo pjese e te mbledhurit ne shtepi ka filluar te me shijoje shume me shume se sa vete e dala neper clube, por eshte muhabet tjeter ky. I vetmi problem i mbremjes ishin kepucet. Duke qene se ishte hera e trete qe i vishja dhe dy heret e para nuk kisha patur asnje problem, me genjeu mendja qe do ja dilja ti mbaja ne kembe per shtate ore pa patur asnje shqetesim. U gabova rende! Diku aty nga mesi i mbremjes me filloi nje dhimbje e padurueshme, qe me detyroi te largohesha para kohe. Kombinimin e ketyre kepuceve me kete fustan kisha kohe qe e kisha menduar. Jane te dyja veshje qe i kam porositur online rreth tre muaj me pare dhe qe kur i porosita i bera enkas duke i kombinuar me njera-tjetren. I vesha nje here se bashku kur isha e ftuar ne emision "Opinion", por duke qene se nuk pata mundesi te beja foto ate nate, patjeter qe nuk mund te lija pa i veshur edhe nje here tjeter per te bere ca shkrepje.
Si perfundim....Neser kam provim, neser kam provim, neser kam provim!


Tuesday, April 23, 2013

Degjo Thumbin, degjo Thumbin....degjo Thumbin ti...


Meqenese kane qene te shumte ata qe ma kane kerkur ne faqen time personale ne Facebook, ne faqen e "Thumb" ne facebook qe mund ta gjeni duke klikuar ne Nitro Official, apo ne faqen time ne Instagram, une sot kam vendosur qe kete post t'ja dedikoj emisionit te famshem te se premtes ne mbremje "Zone e lire", ku ishim perballe Rovena Stefes, e cila sic besoj tashme dihet nga te gjithe na ka hedhur ne gjyq. Nuk dua te bej asnje koment, sepse video flet vete...Gjithashtu per te mos ta lene postin shume te thate, po i bashkangjis edhe disa foto nga ajo nate, te cilat i ka shkrepur nje zonje qe ne cdo daljen time ne ekran, eshte shume e kujdesshme te me beje disa foto. Juli Bardhi nese e lexon kete post, te pershendes! :)











Monday, April 22, 2013

Vjehrra fashionista!


Ndryshe nga sa ndodh me nje pjese te madhe te njerezve, qe kur vjen e hena zbrazin karikatorin me te sharat dhe mallkimet me te tmerrshme qe permban fjalori ndaj kesaj dite, mua e hena me pelqen...(obobo ishalla nuk zbrazet karikatori dhe ndaj meje tani :P) Tani kuptohet qe po te kishte pese dite fundjave dhe vetem dy dite fillim jave, nuk do ishte keq, megjithate nuk kam ndonje ndjesi negative ndaj te henes. Perkundrazi, per mua psh dita qe kam me tmerr eshte e enjtja dhe arsyeja eshte personale, pasi kjo eshte dhe dita me e ngarkuar e javes. Te vetmet raste kur te henen nuk e kam dhe aq perzemer, eshte kur nuk kam arritur te shplodhem sa duhet ne fundjave. Sic ndodhi edhe me fundjaven qe lame pas. Ose kur jane ato te henat qe pas nje fundjave te bukur me diell, kur hap syte ne mengjes ti shikon qiellin gri dhe shiun qe bie mbi dritare dhe aty demoralizohesh komplet. Sic ndodhi edhe kete te hene, pra sot, pasi une gjithe qejf kisha nxjerre nga sirtaret disa nga rrobat e veres dje, nderkohe qe e gjej serish veten sot te vishem me rroba dimri. Edhe pse nuk erdhi e papritur, pasi e dija qe me pare qe kete fillim jave do te prishej serish moti disa dite, serish i vara pak turinjt ne mengjes, madje edhe zumben e bera si me pertese, gje qe nuk ka ndodhur kurre, kur pashe qiellin gri. Megjithate posti i sotem eshte me diell, sepse foto jane shkrepur dje, gjate nje dreke familjare, ne nje nga lokalet e mi te preferuar kur behet fjale per te konsumuar mish, Reka qe ndodhet pak kilometra jashte Tiranes, ne Berzhite, edhe pse besoj pjesa me e madhe e juaja duhet ta kene vizituar te pakten nje here.
E vecanta e veshjes qe kam ne kete post, ose ajo cfare mua me pelqen me shume eshte canta, e cila eshte nje dhurate nga "vjehrra" :D Para nje jave, ajo nxorri nga dollapi i saj tre canta te vogla, te cilat i ka patur qe kur ka qene e re dhe me pyeti nese me pelqenin. "Me pelqejne the?!" - ishte pergjigjja ime dhe pa mbaruar ajo mire fjaline ja "gllaberova" nga duart. Nga fotot qe kam pare kur ka qene e re, mamaja e partnerit tim ka qene nje vajze me shume shije. Nuk e kam pare ne dy foto te kete patur te njejten veshje, duke u shfaqur gjithmone ndryshe. Dhe pjesa me e bukur ka qene se te gjitha kane qene veshje te shtrenjta dhe shume te mira, duke qene se babi i partnerit tim eshte me origjine greke dhe te gjitha veshjet, ne kohen qe ne Shqiperi nuk ka patur asgje, ata i merrnin ne Greqi. Per fat te keq (per mua), sic me ka thene edhe vete, te gjitha rrobat qe ka patur ja ka falur mbesave dhe mua me vjen shume inat per kete, sepse do i kisha shtuar garderobes time ca fustane, funde dhe kemisha vintage te papara tani. Gjithsesi edhe tre canta me shume, nuk jane keq :)
Po ju, ju ka ndodhur te merrni ndonje gje nga garderoba e vjehrres? Une kam edhe nje mikeshe/shefe :P te cilen here pas here kur e pyes se ku e ka gjetur ate gjene e bukur qe ka veshur me thote "ja kam marre vjehrres". Shume cool, apo jo? :)