Intervista per gazeten Ballkan: "Mashkulli qe me le pa fryme"

Kete fundjave gazeta Ballkan vendosi te me bente pjese te saj ne suplementin "Portofol". Meqe intervista nuk eshte online,atehere une po e sjell ne blog sepse mendoj qe eshte nje interviste interesante :)

Aulona si kërcimtare, kjo është risia juaj, si u bëtë ju pjesë e Dancing?

Ishte një ftesë që më erdhi nga producentja Holta Dulaku, e cila bëri realitet një ëndërr timen të hershme, kërcimin. Me Holtën kisha komunikuar shpesh dhe ajo e dinte që une e pëlqeja shumë "Dancing" si format, kam ndjekur të tre edicionet e tij, është një ndër produksionet më të mira shqiptare dhe të isha pjesë e tij ka qenë një dëshirë e hershme. Për fat të mirë, këtë vit Holta më bëri propozimin që unë kisha kohë që prisja dhe unë nuk bëra fare të vështirën, thashë direkt po (qesh)

Si është për ju kërcimi, marrëdhëniet që kishit me të dhe

marrëdhënia që keni sot?

Që e vogël e kam dashur shumë kërcimin edhe pse asnjëherë nuk jam marrë seriozisht me të. Ama po të shohësh kasetat që kemi të xhiruara nëpër festa të ndryshme familjare, unë jam gjithmonë duke kërcyer. Edhe pse e vogël kam qenë e shumë e ndrojtur dhe cohesha të kërceja vetëm pas lutjeve të mamit, në momentin që cohesha nuk kishte më njeri të më ulte. Kjo dashuri për kërcimin erdhi dhe u bë më e madhe me kalimin e viteve, aq sa në adoleshencë dhe rininë e hershme unë do isha e para nga shoqëria që do cohej sapo më shkelte këmba në pub dhe e fundit që do ulesha. Me pak fjalë,kush më njeh mirë, e di mirë se sa shumë e kam dashur dhe e dua une kërcimin.

A e mendon Aulona fitoren në këtë garë?

 E kush nuk e mendon fitoren kur futet në një garë? Besoj se është pikërisht ky mendim ai që të motivon dhe të bën të japesh më te mirën nga vetja.

A mendoni se juria është relativisht e butë me ju, për

shkak të “frikës” se mos ju I dedikoni një “Thumb”?

Përkundrazi, sicc e kam thënë edhe gjatë videove të xhiruara ne "Dancing" unë mendoj se juria me mua është treguar shumë e ashper, më e ashpër sesa me konkurentët e tjerë dhe kjo nuk është vetëm një përshtypje e imja por edhe e shumë njerëzve të tjerë që më kane ndjekur në këtë eksperiencë, të njohur dhe të panjohur. Mbase juria mendon që duke qenë pjesë e spektaklit janë "imun" ndaj thumbit tonë, por nuk duhet të harrojnë që spektakli do mbarojë dhe sa më të ashpër te tregohen me mua, aq më i mprehtë do jetë thumbu....hahahaha Përtej shakave, unë nuk dëshiroj që juria të jetë as e ashpër, e as e butë, unë dua thjesht që ata të tregohen objektiv dhe sa me profesionist.

Sa mendoni se ndikon Gerdi në performancën tuaj, duke

qenë se ishte ai që udhëhoqi Elvana Gjatën drejt triumfit?

Gerdi ështe balerinë i parë i Teatrit të Operas dhe Baletit, c'ka do të thotë është balerini më i mirë në Shqiperi. Për mua është fat që kërcej me të, por në të njëjtën kohë edhe përgjegjësi e madhe jo vetëm sepse ai është më i miri në profesionin e tij, por edhe sepse vjen nga nje fitore e vitit të shkuar me Elvana Gjatën. Të kërcesh ne krah te tij, padyshim që të jep më shumë siguri dhe të bën të dalësh ne skenë me më shumë vetbesim.

Keni majft angazhimet, gazetën tuaj, emisionin si dhe

tanimë Dancing, si ia dilni ta menaxhoni kohën tuaj?

Ah, kjo është pyetja që më bëhet më shpesh këto kohët e fundit. Në fakt edhe unë vetë ndonjëherë pyes veten: Aulona si ja del të bësh kaq shumë gjera në të njëjtën kohë? Por tani me them se jam bërë mjeshtre në menaxhimin e kohës. Cdo ditë funksionin sipas një axhende të mirëpërcaktuar, e cila edhe kur corientohet ndonjë ditë për shkakqe jo të varura nga unë, përpiqem ta zbatoj me aq sa kam mundësi. Kuptohet ka disa gjëra nga të cilat kam hequr dorë, të cilat janë kryesisht të lidhura me argëtimin, nuk ka më orare të kaluara nëpër kafe, mbrëmjet nëpër lokale dhe klube janë rralluar fare, për fat të keq i kam marrë pak kohë edhe familjes dhe partnerit tim, por ata e dinë sa shumë e dua unë punën time, gjërat që bej, prandaj jo vetëm më kane mirëkuptuar por edhe më mbështesin ne gjithcka,

Cilën nga gjithë këto angazhime bëni me shumë dëshirë?

Të them të gjitha mund të duket si një përgjigje jo e sinqertë, por fati më i madh i imi është që bëj punët që dua. Është bukur të cohesh në mëngjes dhe të shkosh me gëzim ne punë dhe e gjithë dita të vazhdojë kështu. "Paloma", "Thumb", "Sillikon" ne radio Nrg, "Top Shoë Magazine" janë te gjitha dashuri, dikush dashuria e parë, dikush dashuri pasionante, dikush racionale.... Megjithatë nuk e mohoj dot që se fundmi "Dancing ëith the stars" ka rrëmbyer krejt zemrën dhe mendjen time, mbase ngaqe është eksperienca më e fundit, mbase ngaqë është dicka krejt e re, por po e shijoj pa fund si eksperience.

Si një nga kryeredaktoret e gazetave rozë, si e shikoni

sot këtë lloj gazetarie?

Sa më shume kalon koha aq më e vështirë bëhet. Mendoj se gazetaria rozë e pati kulmin e saj deri para 2-3 vitesh, kohët e fundit po bëhet gjithmone e më e vështirë dhe kjo për shume arsye. E para sepse nuk po prodhohen personazhe të rinj interesant dhe për ata të vjetrit tashmë dimë gjithccka. E dyta, sepse aktivitet qoftë artistike, qoftë ato personale të personazheve publik janë shume të varfra, cc'ka bën qe mos të prodhohen lajme. E treta, jetojmë në kohën e internetit, edhe ato pak lajme që mund të prodhojnë personazhet publik nuk kanë më nevojë t'ja japin gazetave, sepse i nxjerrin nëpër facebook dhe instagram personal.

Cili është problemi më I madh I gazetarisë sot sipas

jush?

A sa pyetje e gjerë që është kjo Unë bëra dy vjet master dhe këtë pyetje e kemi ngritur thuajse në ccdo orë dhe prapë nuk ka nje përgjigje të prerë, një përgjigje standarte për këtë pyetje. Unë mendoj se ka një sërë problemesh të ndërthurur mes tyre: pronar të papergjegjshëm që hapin nje media kot, edhe pse nuk kanë mundësi të plotësojnë kushtet minimale sicc është pagesa e gazetarëve. Nga ana tjetër mos pagesa e gazetarëve, fenomen i turpshëm që haset jo vetëm në medjan e shkruar, por edhe në tv, bën që puna të bëhet shkel e shko, që gazetarët të punojne pa qejf dhe rrjedhimisht cilësia e punës së tyre të jetë e ulët. Një mungesë e theksuar etike, lufta më e ashpër që bëhet sot midis mediave nuk është ajo për cilesinë, por për lajmin e parë, edhe kur bëhet fjalë për ngjarje tragjike, apo vdekje....Ka shumë, e shumë probeleme të tjera por kam përshtypjen që po u zgjata dhe pak do bëhemi të mërzitshem për lexuesit,kështu që mirë e lëmë me kaq

Keni vite që jeni në gazetari, çfarë mendoni se ju ka

dhënë këtë sukses dhe këtë jetëgjatësi? 

Dashuria dhe pasioni i madhe që kam për punën që bëj. Që kur kam nisur për herë të parë, para 9 vitesh punën si gazetare e kuptova që kjo ishte ajo që doja të bëja deri në fund, që ky ishte "talenti" im, nëse mund ta quaj kështu dhe këtu investova. Une e përmenda edhe më sipër, që për mua është fat të bësh punën që do dhe unë e dua punën time, aq sa edhe të sakrifikoj për të. Ka patur raste që kam punuar edhe pa u paguar, kur e kam parë këtë si një investim për të ardhmen time. Kam bërë edhe sakrifica, duke u ccuar nga krevati në orën 3 të natës, në mes të dhjetorit dhe janarit për te xhiruar "Thumbin", ama të gjitha "sakrificat" e bëra më janë shpërblyer në një pikë. Por suksesi dhe jetëgjatësia mendoj se kanë ardhur mbi të gjitha prej faktit që pavarsisht të gjithave, jam munduar gjithmonë të jem e drejtë në gjithcka kam bërë, e drejtë me personazhet, e drejtë me kolegët, e drejtë me punëdhënsit, e drejtë me veten time. Edhe pse këtë vitin e fundit identifikohem si "thumbuese", në gjithe këto vite unë gjithmone jam njohur si Aulona, gazetarja që nuk ka shpkur kurë lajme, nuk ka abuzuar kurrë me personazhet dhe është mundur të jetë jithmonë e drejtë dhe të ruaj një lloj etike në punën e saj.

Flasim pak për Thumbin, si ka evoluar ky emision që prej

fillimit e deri më sot?

Thumb një muaj më parë bëri një vjec dhe si një "femijë" një vjecc ai është ende në fazën e rritjes. Gjate këtij viti Thumb nuk ka pësuar ndryshime të mëdha, e vetmja gjë që vjen gjithmonë ndryshe janë temat.Megjithatë një gjë është e sigurtë, ne po punojme që shumë shpejt, "Thumb" të vije me të vërtet me një imazh dhe format të ri, por duhet të prisni edhe pak për këtë

A jeni ndjerë ndonjëherë e kërcënuar nga perosnazhet që

thumboni në këtë emision?

Ka pasur, edhe pse shumë rralle. Të them të drejtën më duket kulmi i injorancës që ka personazhe publik të cilët si arm të vetme komunikimi kanë kërcënimin. Është turp për ta!

Cili është Vipi radhës që po përgatiteni për ta thumbuar?

Edhe pse mund të duket e pabesueshme, kemi bërë nje "thumb" për Dancing ëith the stars, i cili është aq i bukur saqë edhe unë vetë mezi po pres sa ta shikoj (qesh).

A mendoni se është Fatma çelësi i suksesit në këtë

emision?

Unë mendoj se celësi i suksesit në gjithcka që ne të dyja bejmë bashkë është Fatma dhe Aulona, ose Aulona dhe Fatma Padyshim që mendoj që si unë dhe Fatma vecmas do të kishim sukses në gjerat qe bëjmë, ama suksesi i dyshes tonë është pikërisht fakti që jemi ne të dyja sëbashku.

Kur mendoni se Thumb do ta mbarojë misionin e tij?

Nuk e di kush e ka shpikur këtë idenë që Thumb ka, apo është krijuar për një mision. Të kesh një mision për mua ështe një përgjegjësi e madhe dhe unë nuk do të doja ta mbaja përsiper këte përgjegjësi. Thumb nuk ështe një mision, por një emision i cili në këtë vakum emisionesh të këtij lloji në ekranet shqiptare, erdhi si nje alternativë ndryshe jo vetëm në përmbajtje, por edhe në median ku transmetohet.

Ju kemi parë shpesh të flisni për shoëbizzin shqiptar dhe

rrallë për veten, si është jeta e Aulonës në këtë momente?

Nuk kam folur sepse nuk më kane pyetur dhe kur me kane pyetur unë gjithmone kam folur Nuk kam probleme të flas për jetën time, qoftë ëdhe atë private sepse kam shumë momente të bukura në të dhe momentet e bukura kam qejf ti ndaj me të gjithë.

A keni një mashkull në krah momentalisht?

E kam një mashkull jo vetëm në krah, por e kam kudo, jam e rrethuar prej tij edhe kur nuk jam pranë tij J

Çfarë dashuron Aulona tek një mashkull?

Dashuroj atë mashkull që më bën ta kam mendjen tek ai 24 orë në 24. Që vetëm kur mendoj për të, të më ndalet fryma dhe zemra të më rrah fort. Një mashkull që arrin të më dhurojë emocione të forta në cdo moment. Ai mashkull që arrin t'i shkaktoj të gjitha keto tek unë, për mua është më i miri. Dhe AI është më i miri! Sa mirë që e kam gjetur J

Keni treguar se dini të bëni gjithçka, ndonjë surprizë në

të ardhmen, ku do tju shikojmë tanimë?

Për momentin jam e fokusuar në te gjitha angazhimet per te cilen folëm ne gjithe kete intervistë. Nëse e ardhmja do të rezervojë ndonjë surprizë në planin profesional, ajo do jetë e tillë edhe për mua