Wednesday, August 22, 2012

O llaci bojs, iz enadher bejbe...


Strecce me ngjyra, barku jasht dhe një bisht në maj të kokës? Ccfarë ju kujtojnë këto tre element së bashku? Asgjë? Atëherë po ju jap një ndihmë! “O llaci bojs iz ënadhër bejbe…”. Po kjo frazë ju thotë ndonjë gjë? Eee isha e sigurtë që me të nuk do të ngatërroheshit. Vitet 90! Vitet që pjesa më e madhe e jona I kujton për ritmet e jashtëzakonshme dance, të cilat edhe sot e kësaj ditë I dëgjojmë më me kënaqsi se sa “Dalinda”, apo “Chicka loca”. Apo për serialet “Beverly Hills”, e “Melrose Place” të cilat unë I shikoja gjithmonë fshehurazi, sepse mami mi kishte ndaluar kategorikisht, duke qenë se isha ende e vogël dhe në to kishte dhe skena me puthje (atje nuk kishte vetëm skena puthjesh në fakt, kishte edhe më shumë, por mami nuk e dinte këtë. Dhe aq me pak e dinte që unë e dija dhe I shikoja madje :D)
Por krahas muzikës, apo serialeve të atyre viteve, ajo që më ka tërhequr gjithmonë nga vitet 90 ka qenë stili. Edhe pse këto vite, kurrë nuk janë shquar për ndonjë stilt ë jashtëzakonshëm, ka patur diccka në të që gjithmonë më ka tërhequr. Veccanërisht ngjyrat e theksuara dhe kombinimi mes tyre. Prandaj nuk mund veccse të gëzohesha, kur moda e viteve 90 u rikthye sërish këtë sezon. Streccet shumëngjyrëshe si të Coronës me shoqe, janë të preferuarat e mia. Por edhe cropped tops, bluzat e shkurtra të cilt këtë sezon erdhën edhe më creative me asimetrinë e tyre, të gjata pas, e të shkurtra para, janë në listën e të preferuarave. Sidomos gjatë stinës së verës. Edhe pse fillimisht kam qenë disi skeptike në lidhje me këtë trend, të cilin kur e shihja te të tjerët më pëlqente, ndërsa për ta veshur vetë nuk guxoja, duke qenë se barku jasht është quajtur gjithmonë si vulgar dhe banal, më në fund gjeta guximin dhe dje e vesha. Në fakt dje isha gjatë gjithë ditës në një 90’ mood, sa I përket stilit kështu që vendosa  të bëj një miksim mes tyre:paradite një cropped top, të cilën e mora në Barcelon për vetëm 4 euro :D Shumë e thjesht, por që mua më pëlqeu shkrimi në të “I love me”. Dhe në darkë, kur dola për të pirë diccka në një nga baret e shumtë dhe të mbipopulluar të Tiranës, zgjodha streccet e mia të preferuara, të cilat kanë filluar të më pëlqejnë edhe më shumë pasi ja kam parë të veshura dhe Jessie J :P Fillimisht mendova të bëja një kombinim të bluzës dhe strecceve bashkë, por ishte too much! Ngjaja si një 16 vjeccare e harbuar kështu që hoqa dorë!
Përpara se ta mbyll dua të jap dhe disa këshilla sa I takon mënyrës si mund ta vishni një “crop top”, I cili ndër të tjera do dhe pak guxim, si dhe fizik të mirë.

  • Zgjidh gjatësinë: “Crop Tops” janë të llojeve, stileve dhe gjatësive të ndryshme dhe zgjedhjen mund ta bëni në varësi të guximit që keni,për të treguar vetëm një gisht bark, ose për të vënë në pah gjithë muskujt qe keni. Por kujdes thash muskujt, jo dhjamin! Nëse barku juaj nuk është në formën e tij më të mirë, atëherë ju lutem, për të mirën tuaj, por edhe të syve tanë hiqni dorë nga ky trend! Ose, nëse vërtet nuk doni të hiqni dorë prej tij, zgjidhni pantallona me belin lart, kështu barku do të jetë brenda dhe të gjithë do të jetojmë të lumtur dhe të gëzuar.
  • Trego kujdes me pjesën tjeër të look-ut: “Crop tops” janë të lezetshme dhe duken bukur, por në të njëjtën kohë ai është një stil që rrezikon t’ju bëjë të dukeni vulgare. Prandaj tregoni kujdes me pjesën tjetër të veshjes. Nëse do të më pyesni mua, do të thoja jo për kombinimin me pantallona të shkurtra. Mjafton barku që është jashtë, nuk ka nevojë të ekspozohen edhe këmbët. Vetëm nëse jeni në plazh, atëherë po që vendi justifikon (zh)veshjen.
  • Kujdes ku e vesh: Ashtu sicc ndodh me minifundet, apo dekoltet, edhe nxjerrja e barkut nuk lejohet nëpër zyra, institucione, apo shkollë. Prandaj kujdes për ku e vishni. Dritë e kuqe për vendet që përmenda më sipër. Dritë jeshile për paradite për të pirë një kafe nga blloku, për fundjavë, për plazh, për mbrëmjet nëpër clube.
  • Kaq kisha unë për sot. Pa më thoni ju një herë ju pëlqen ky stili I viteve 90’ që është rikthyer sërish në modë? Ccfarë nuk do të vishnit kurrë prej atyre viteve?

P.S: Fotot mund të ishin bërë shumë më mirë, por duke qenë se askush nuk u ofrua I gatshëm për të më fotografuar dje, këtë detyrë ja ngarkova nipit tim 8 vjeccar. Rezultati duket qartë…:D


7 comments:

  1. me pelqen shume ky stil, dhe ty te shkon :)))

    ReplyDelete
  2. perfundimisht ti je e cmendur pas ngjyrave dhe te qofte hallall qe di ti kombinosh sh mire lol c:

    ReplyDelete
  3. Me pelqen kombinimi qe i ben ngjyrave. Edhe ky stil, ty te shkon pasi ke fizikun. B.

    ReplyDelete
  4. Nuk jam shume fanse e gjerave te viteve 90 ama strecet i dua. I kam veshur ne gjimnaz ne vitet 90 dhe i vesh edhe sot. =) Plus qe jane komode dhe te thjeshta per te kombinuar. Ada

    ReplyDelete
  5. Vajza faleminderit shume te gjithave :)

    ReplyDelete
  6. Veshja shume e shume e bukur, dhe une keshtu mendoj nese do nxjerresh barkun apo nje bluze shume te hapur perpara s'duhet te nxjerresh dhe kembet ose e kunderta!!

    ReplyDelete
  7. me pelqen shum ke keto foto. trupin e ke yllll :) miki...

    ReplyDelete