Me ne fund daseeeeeem!!!

Më në fund pas shumë ankimesh, kërkesash dhe thirrjesh publike më erdhi dhe mua radha të jem e ftuar në një dasëm. Sepse që thoni ju mikesha të këtij blogu, unë në gjithë këto vite kam patur një hall të madh, doja të shkoja nëpër dasma, po dasma s’kisha. Kur shikoja nëpër Facebook statuse të miqve të mi, sidomos gjatë stinës së verës “në tre dasma e ftuar këtë muaj”, “u cmendem nga ftesat për dasma”, “po bëhem gati për dasëm”, më dukej vetja si jetime, sepse unë nuk kisha asnjë dasëm në fis. Mirë në fis, po dhe shoqëria më doli si vetja, pa ndonjë dëshirë të madhe për dasëm. Por që thoni ju, pas kaq shumë vuajtjesh për të kërcyer pak naplonin në një dasëm, ja ku me vjen dhe ftesa për datën 13 Maj, e ftuar në dasmën e një mikeshës time Jona. E cc’gëzim I madh, e cc’lumturi që më kaploi, ju s’e merrni dot me mend. Aq më shumë që bëhej fjalë për një dasëm me shoqërinë, një dasëm në një rezort shumë të bukur në Durrës, buzë detit. Me pak fjalë një dasëm si ato të jashtmet, që shohim nëpër filma. Dhe vërtet ashtu ishte. Ccdo gjë e organizuar në mënyrë perfekte. Ceremonia, moment I celebrimit, ambjenti, arredimi, ushqimi, muzika, nusja me dhëndrin që ngjanin shumë të bukur vecc e vecc, e akoma më të bukur të dy bashkë. Por më shumë se sa fjalët e mia, janë fotot ato që flasin vetë, prandaj kam vendosur pak më shumë foto se zakonisht këtë herë, në mënyrë që të shijoni edhe ju sa më shumë nga ajo mbrëmje që për mua ishte shumë e bukur.

Sa I përket veshjes time, vendosa të vishja një fustan të thjesht në prerje, në mënyrë që gjithë theksin ta kishte te ngjyra, të cilës unë nuk I vë dot një emër tani (po ma ngjetet ngjyrën jeni shumë të mira :P) ama di që edhe pa emër, ngjyra bëri efektin e duhur. Canten, sandalet dhe varsen I kisha në tonet e kafes, bezhës dhe arit. Ndërkohë që edhe krehja ishte diccka e thjeshtë, me onde të lehta, por që të them të drejtën mua më pëlqeu shumë, pasi ma bëri flokën të duket më I dendur dhe I shëndetshëm se zakonisht dhe kjo falë meritës së Jetmira Dushit, e cila bën vërtet magji me flokët. Tani boll me fjalët, më mirë kalojmë te fotot. Duke mos harrur t’I uroj edhe një herë cciftit Jona dhe Roni të trashëgoheni!