Per ta mbyllur me pushimet....(Pushime part 5)

Ja ku mberritem edhe te posti i fundit i pushimeve. Ne fakt, te ishte per mua mund ta kishim vazhduar edhe me nja 10 poste te tjera, por mendoj se per ju kaq ishte e mjaftueshme. Te shkruaja per pushimet gjate ketyre dy javeve, te kaloja edhe nje here te gjitha fotot nga e para, te sillja ne mendje episode, ngjarje dhe vende te atyre dy javeve te mrekullueshme qe kalova ne Republiken Domenikane, ben qe shija e atyre diteve te zgjaste edhe me gjate. Dhe me besoni qe mundesia qe te ndaja kete eksperience edhe me ju, i ka bere edhe me te bukura vete pushimet. Sepse kjo ishte nje nder arsyet kryesore qe une kam hapur dhe vazhdoj te mbaj ende te gjalle kete blog, ndarja e cdo eksperience te bukur, apo me pak te bukur me ju, qe doni te lexoni e shkembeni mendime, ide e eksperienca me mua.

Dhe meqe jemi te eksperiencat, e jashtezakonshme ishte dhe eksperienca te cilen jam munduar ta sjell me ane te fotove te ketij posti, por qe nuk mund te pershkruhet dot kurre as me imazhe e as me fjale, ashtu sic ishte e perjetuar ne realitet. Kuajt me kane pelqyer gjithmone si kafshe, madje mund te them se eshte nje nder kafshet e mia te preferuara, por asnjehere nuk kisha patur guximin te provoja te kaleroja. Tani them qe bera mire qe e lashe per ne R.D heren time te pare te kalerimit. Kater ore mbi kal, ne nje territor aspak te lehte, mes malit, pyjeve dhe lumit, eksperienca e pare mbi nje kal ishte sa e frikshme, aq edhe jashtezakonisht e bukur: e mbushur me emocion, gjithe adrenaline, dritheruese. Kur vendosem te benim kete eskursion, e mora lehte. Mendova se do te kishim ndonje shoqerues me vete, se do te beja ndonje xhiro me kal neper fusha dhe kaq. Nuk ma kishte marre kurre mendja se do te isha e vetme mbi nje kal dhe pjesen me te madhe te rruges do ta beja me kalin e zhytur ne lum deri ne mes. Edhe pse fillimisht kisha nje frike te llahtarshme, ne perfundim te kesaj eksperience isha e lumtur qe e bera dhe do te jete nje nder gjerat qe do te kujtoj me me mall dhe nostalgji nga keto pushime. Tani po pres me padurim heren tjeter kur te jem serish mbi kal :)

Nderkohe qe fotot e fundit jane serish ne plazh dhe ne njeren prej pishinave te hotelit, ku une nuk mund te lija pa shkrepur disa foto :P Nje nder fotografite e mia te preferuara eshte ajo e fundit fare, me te cilen kam vendosur te mbyll edhe kete post. Foto eshte shkrepur ne darken e fundit, para se te niseshim dhe pamja ishte ajo qe na ka shoqeruar cdo dite gjate te tre vakteve te ushqimit.

Cdo vit qe kalon mendoj se ato jane pushimet me te bukura qe kam bere. Uroj vertet qe vitin qe vjen te kem mundesi te them te njejten gje! Nje gje eshte e sigurte, nga Republika Domenikane jam larguar me pershtypjet me te mira dhe do ja u sugjeroja gjithkujt per te kaluar disa dite, qe jam e sigurte qe do ti mbani mend gjate :)