"HalloWork"

Prej disa kohesh kam hequr me dore me vetedije dhe vullnet te plote nga daljet dhe festimet e festave kolektive neper klubet e Tiranes: Halloween, Nate e Bardhe, 28-29 Nentori e cdo feste tjeter, qe eshte nje arsye e mire per pjesen me te madhe per te dale dhe per t'u hallakatur, per mua eshte nje arsye edhe me e mire per t'u mbyllur ne shtepi me shtate celesa, e per te mos dale rrugeve. Kuptohet qe per te ardhur deri ne kete pike, kam kaluar edhe une nga "harbimet" rrugeve dhe clubeve te Tiranes deri ne oret e para te mengjesit, ku e vetmja gje qe mbaje mend te nesermen ishte shtypja nga turma qe ndodhej ne lokalin me kapacitet sa per te mbajtur gjysmen e njerezve qe ishin brenda; pullat e cigareve ne rastin me te mire neper rroba dhe ne ate me te keqe ne faqe, sy, apo vetull; gjysma e thonjve te kembeve te hequr nga te shkelurat e njerezve; era e cigares te cilen te duhej nje jave per ta hequr nga trupi, e shume peripeci te tjera, te cilat e zbehnin totalisht gjithe qejfin e pergatitjes, apo te vete mbremjes. Nuk e di, mbase me te vertete eshte ajo ceshtja e moshes, kur ti je 28 dhe, ne 10-12 vitet e fundit e vetmja gje qe ke bere eshte te dalesh dhe mos te lesh feste pa festuar, gjeja e fundit qe do eshte te jeshe mes nje turme te zhurmshme, te dehur dhe te ekzaltuar, per te kaluar nje nate te ftohte me shi, tetori. Keshtu qe dje, naten e Halloweenit, ndryshe nga parvjet qe dola dhe e festova e "maskuar" si Michael Jackson (seriozisht?! Nje pale pantallona lekure, nje kapele dhe ca kacurela s'te bejne Michael Jackson, Aulona, what were u thinking?! )...

...vjet qe e kalova ne Pallatin e Kongreseve ne ndarjen e cmimeve "Kult", e kalova ne "krye te detyres", ne pune. Me ne fund xhirimet e para u kryen me sukses dhe tani na ka mbetur dhe nje pjese tjeter dhe do te jemi gati per transmetim. Per cfare behet fjale? Duhet te duroni edhe fareee paaak! Nderkohe qe pjesa e pare e dites kaloi sa ne zyrat e Palomes, ne shkolle dhe me angazhime te tjera, keshtu qe kur mberrita ne shtepi ne oren dy te nates, pas nje dite super te lodhur, e vetmja gje qe s'me binte ne mendje ishte te festoja. 

Nderkohe qe veshja qe me shoqeroi gjate gjithe dites, eshte kjo me poshte, me te cilin me shikoni ne keto foto. Keto pantallonat i bleva vetem pak dite me pare dhe ishin "love at first sight". Si ju duken? Nderkohe jam shume kurioze te di per Halloweeni-n tuaj. Si e kaluat? Ku e festuat? Si u maskuat?