Me bel te larte, apo me bel poshte

Për postin e sotëm u frymëzova nga një bisedë e zjarrtë që po bënim dy ditë më parë mes një grupi miqsh. Në fakt isha une dhe një shoqe e imja nga njëra anë dhe dy të dashurit tanë nga ana tjetër në një përballje të ashpër, në një sfidë kokë më kokë, e cila në fund nuk na ccoi në asnjë përfundim. Ose më saktë, ne i qëndruam stoike mendimit tonë, ndërsa ata I qëndrua edhe më stoik mendimit të tyre. Dhe cila ishte tema e debatit do thoni ju?

Janë, apo jo seksi pantallonat me belin lart? Kjo do të ishte pyetja e formuluar nga grupi i gocave. Nëse do t’ja linim në dorë meshkujve, ata pyetjen do ta kishin formuluar ndryshe. Nga njëshi te dhjeta, sa të shpifura janë pantallonat me belin lartë? Kurrë më parë nuk e kisha ditur që meshkujt paskan një antipati të madhe ndaj këtij model pantallonash. Dhe unë që mendoja të kundërtën, që meshkujve u dukeshin seksi, sepse kam përshtypjen që kjo lloj prerje t’i nxjerr edhe më mirë format në pah (kuptohet kur ke forma për të nxjerrë). Por me sa më tha mikja ime, e cila punon dhe në një revistë mode, edhe nëpër sondazhe të ndryshme që janë bërë ka dalë përfudnimi që në përgjithësi, meshkujt kudo që janë nëpër botë, nuk i pëlqejnë këto lloj pantallonash. Këtë gjë na e konfirmuan edhe partnerët që kishim në tavolinë, të cilët u përpoqën në të gjitha mënyrat të na mbushnin mendjen që mos t’I vishnim më pantallona të tilla, duke filluar nga: “ju tregojnë më të shëndosha”, “ju a tregojnë vithet të varura dhe të shtypura”, “ju tregojnë keq”, “shëmtuar”, “vajzat që vishen me pantallona me belin lart ta shpifin”, e një gamë të gjëra epitetesh të tjera, si e si të na mbushnin mendjen.

Por mendjen normale që nuk na e mbushën, të paktën me asnjë argument bindës. Padyshim që edhe ne i parashtruam argumentet tona, ku ai më bindësi që na bëri të bënim dhe një “hi5” me njëra-tjetrën nga krenari ishte që: “Ne vishemi për veten tonë dhe jo për ju”.

Kështu që nga inati unë sot vesha pantallona me belin lart…he he he. Të paktën Audrey u ndje mirë me to! Ehhh aleanca e femrave thuaj :P

Po ju mikesha, por edhe miq (nëse ka) të kësaj faqe cc’mendim keni për këtë stil? Ju pëlqejnë pantallonat, por pse jo dhe fundet me belin lart? Mendoni se një femër e tregojnë seksi, apo keq? Ndërkohë që nga vajzat dua të di, nëse partneri juaj ju thotë se nuk e pëlqen një veshje të caktuar tuajën, cfarë bëni? E harroni gjoja në garderobë, apo vazhdoni ta vishni? Jam vërtet kurioze të dëgjoj argumentat tuaja, që pastaj t’ja “plas” fytyrës grupit tjetër :P