Ndonjehere mjafton nje fund...:)

Dy ditë më parë, po kaloja para një dyqani kur koka më mbeti e varuar për dy minuta përpara një vitrine...ajo vitrinë kishte në të, fundi që unë kisha kaq kohë që ëndërroja. I gjatë, me "pala korenti" dhe ngjyrë vishnje! U futa brenda dhe nuk u mendova dy herë, e bleva direkt. E di që nuk ka ndonjë gjë të jashtëzakonshme dhe është një fund shumë i thjeshtë, por besoj te gjitha ju e keni parasysh atë ndjesinë kur ke pikturuar në mendjen tënde një veshje të caktuar dhe gëzimin që ndjen më pas, kur e gjen identik ashtu siç e doje. Dhe sado i thjeshtë të jetë, ty të duket si veshja më e jashtëzakonshme në botë.

“Si fallxhore je bërë” – ishte komenti që më erdhi nga mami, kur ma pa të veshur për herë të parë:D Dhe unë që të evitoja pikërisht këtë epitet, jam munduar ta vesh me një triko dhe një bluzë të bardhë, të cilat nuk e di përse, po mua më japin disi imazhin e një stili vintage. Në fund, mund të them që ky fund, ka dy ditë që ka ndryshuar ditët e mia, i ka bërë ato me te bukura :D

Po ju keni ndonje veshje fiksim per momentin, qe doni ta ndani ketu? Ka mjaftuar ndonjehere vetem nje veshje, per t'i bere ditet tuaja me te bukura, apo dhe jeten me te lumtur? Une do isha shume kurioze te degjoja :)