Ngjyra lumturie...:)

Ka disa dite qe nuk kam asnje arsye specifike per te qene e gezuar, thjesht jam dhe kaq...Kjo eshte njera prej tyre! Qe kur u zgjova ne mengjes ndihesha e lumtur dhe mirenjohese, nuk e di ndaj kujt, apo per cfare konkretisht, mbase thjesht per faktin qe edhe nje dite tjeter m'u dha mundesia per te qene me njerezit qe dua, dhe per te bere jeten qe dua. Dhe ne raste te tilla fjalet ndonjehere jane te teperta, keshtu qe une sot, si rralle here nuk do shkruaj shume. Edhe pse me vjen keq, pasi shpesh fjalet e lumturise, apo pershkrimi i ndjenjave pozitive dhe te gezueshme, merret si patetizem, nderkohe qe mendoj se te gjithe njerezit, aq me shume ne si popull, pikerisht per kete kemi me se shumti nevoje. Jo vetem te perjetojme lumturine personalisht, por edhe ta ndajme ate me te tjeret, gje qe mua me duket se nuk e bejme aq sa duhet. Mbase kjo ndodh, sepse duke e perjetuar pak rralle kete ndjenje, tregohemi disi kerrnac nga frika se po e ndame me te tjeret, nuk do te na mbetet me per veten. Nderkohe qe une kam nje teori timen per lumturine. Per mua ajo eshte ngjitese, nese ti je i lumtur dhe ja transmeton kete lumturi dikujt tjeter, ai do te beje te njejten gje me nje tjeter person, e keshtu me rradhe..Me pak fjale bota do te ishte nje vend vetem me njerez te lumtur dhe rrjedhimisht me e bukur. Por i leme teorite, sepse sic thash ne fillim nuk dua te shkruaj gjate sot...
Si partneren me te mire, te kesaj dite te mbushur me kolorite te forta ndjenjash dhe emocionesh, zgjodha ngjyrat e ndezura edhe ne veshje. Sepse, jo me kot nje nga motot e mia eshte: "bota duket edhe me e bukur, kur ke ngjyra ne te" :)